VOV4.Bahnar - Pơ gê hei (22/12), tơ̆ plei Đại tướng Võ Nguyên Giáp tơ̆ dêh char Quảng Bình, Khul kơ dră chĕp kơ̆l Trung ương Đảng, Kuô̆k hô̆i, Kơ dră tĕh đak, Khul kơ dră tĕh đak, Anih Trung ương Mặt trận Tổ quốc Việt Nam păng dêh char Quảng Bình pơm lêh tih tơ băt 110 sơ năm Năr rơ nĕh Đại tướng Võ Nguyên Giáp.

Tơ băt 110 sơ năm Năr rơ nĕh Đại tướng Võ Nguyên Giáp

Lêh tơ băt vă pôk pơ ư păng bơ nê kŏng tơ gop tih tên đơ̆ng Đại tướng hăm tơ drong tơ blăh iŏk rơ ngei hơ drĕch hơ drung, pơ jing đei 1 tĕh đak kơ jăp ‘lơ̆ng, pơ jing păng vei lăng tĕh đak Việt nam xã hội chủ nghĩa; tơ ƀôh hơ dăh tơ drong chĕp kơ̆l pơ gơ̆r tôch rơ gei đơ̆ng Đảng Cộng sản Việt Nam, Ƀok Hô păng dôm kơ dră chĕp kơ̆l kăch mang adrol sơ̆, tôch rơ gei lơ̆m tơ drong iung tơ blăh iŏk rơ ngei, hiôk hian ăn hơ drĕch hơ drung, tơ iung pơ jing păng vei lăng tĕh đak. Radio nơ̆r pơ ma VN pơ re tơ păt tơ drong ‘nâu đơ̆ng plt Đồng Hới, dêh char Quảng Bình tơ̆ Kênh Tơ drong kơ tơ̆ng ang VOV1.

Dơ̆ng: Tơ blơ̆