VOV4.Bahnar - Kơ sơ̆ ‘năr 8/8, tơ̆ Hà Nội, Thủ tướng Phạm Minh Chính vang pơm lêh tơ băt hơ dăh tơ drong jang tơ gŭm pơ tho tơ ƀôh khăm hơ met jĭ đơ̆ng hơ tăih (Teleheath) truh 100% hnam pơ gang tơ̆ apŭng păng tơ ƀôh muh măt Anih jang kơ măy kơ mŏk tang găn jĭ Covid-19 teh đak. Pơ ma tơ̆ jơ pơm lêh, Thủ tướng Phạm Minh Chính athei Anih tơm vei lăng găh jang pơ gang đei pơ tho drơ̆ng 1 nơ̆r, klăih song lăm, pêng tơ̆ng đăm lăm. Tơ dăh hơ met jĭ tơ̆ hnam dơ̆ng ‘noh jĭ đei dơ̆ng tơ̆ng hơ la. Jĭ Covid-19 âu đei tơ poh hrĕnh, tơ drong jang tam mă biơh đei, kơ na jang răh lăng kiơ̆ răh. Rim anih tơm vei lăng găh khoa hŏk păng kơ măy kơ mŏk, kơ tơ̆ng ang păng tơ roi tơ băt hơ met tôm kơ măy kơ mŏk. Mă loi ‘noh jĭ kăl chă ƀôh tơ drong tam mă đei ƀơ̆t tơ mơ̆t yua kơ măy kơ mŏk ‘nâu. Thủ tướng lăng ‘lơ̆ng đơ̆ng tơ drong ‘nâu, tơ gop lơ̆m tơ plih kơ sô̆. Tơ tom dŏng hơ met ăn bơ ngai jĭ, tơ gŭm anih jang đei dơ̆ng hlôh vao, lui ngeh, tơ jur hrăt hrot ăn hnam kơ pang kơ pal.

Thuem: Tơ blơ̆