VOV4.Bahnar - Vă tơ tom pơ lung bơ ngai jang tơ̆ anih tang găn jĭ, lơ̆m 2 năr ‘năr 17 păng 18/6, Liên đoàn Lao động dêh char Dak Lak năm tơ mang păng asong tơ mam ăn rim anih jang bơ̆ jang tang găn jĭ COVID-19 lơ̆m tơ ring. Tơ̆ dôm hơ nih năm truh, Khŭl hlôi apĭnh jet gia, pơ lung jơ hngơ̆m, vang tơ gŭm dôm tơ drong mơ mat tat, gleh hrat mă kang ƀô̆, khŭl linh, y ƀak si, bơ ngai jang pơ gang tŏk bŏk tơ jră mŭh măt lơ̆m jang kiơ̆ hơ năp jang tơ̆ hnam pơ gang, rim hơ nih răp găn vei lăng jĭ, rim hơ nih ăn oei hơ drô̆.

Khŭl kŭm hlôi chih iŏk păng bơ nê kơ dôm tơ drong vang tơ gop, plang hơ kâu mă kang ƀô̆, khŭl linh, y ƀak si rim anih jang hlôi păng tŏk bŏk bơ̆ jang, tơ gop kŭm hăm tơ ring jang kiơ̆ đei iŏk yua tơ drong jang tang găn jĭ. Ƀlep ƀơ̆t ‘măng âu, Khŭl hlôi asong 1 anih jang 5 triệu hlak jên

Thuem: Tơ blơ̆