VOV4.Bahnar - Đơ̆ng rŏng kơ plt HCM tơ lĕch tơ drong tơ chơ̆t 18, lơ̆m nŏh asong ăn kon pơ lei gơ̆h yak vih vât mưh đei tôm hla ar kăl, 1,2 dêh char Đông Nam Bộ kŭm tơ lĕch trong asong ăn bơ ngai jang đơ̆ng dôm tơ ring gơ̆h năm vih vât tơ̆ băl.

Dôm dêh char Đông Nam Bộ tơ lĕch trong asong ăn bơ ngai jang yak vih vât tơ̆ lơ dêh char

Dơ nŏ anih vei lăng kon pơ lei dêh char Long An drơ̆ng nơ̆r ăn tơ drong pơ gơ̆r ăn bơ ngai jang yak vih vât tơ̆ plt HCM păng dôm dêh char Bình Dương, Đồng Nai, Tây Ninh. Mă lei, dêh char Long An athei Dơ nŏ anih vei lăng kon pơ lei plt HCM hŭt lê̆ hla ar chih tơ băt kiơ̆ mẫu, lăp lăng kiơ̆ hla ar chih đơ̆ng anih tĕch mơ dro yoa dôm Anih vei lăng trong nơ năm tơ̆ tơ ring ƀơk ăn đĕch.

Dơ nŏ anih vei lăng kon pơ lei dêh char Tây Ninh drơ̆ng nơ̆r hăm dôm trong jang chih lơ̆m hla ar păng tơ gop nơ̆r găh tơ drong ƀet vaccine, đei ƀet tŏ sĕt hlŏh ‘nŏh 1 jrŭm đơ̆ng rŏng 21 năr, dăh mă đĭ klăih jĭ COVID-19 lơ̆m 6 khei bơih păng đei hla ar set hơ len ưh đei jĭ lơ̆m dang 72 jơ ‘nŏh gơ̆h yak vih vât. Dêh char Bình Dương asong ăn công nhân, bơ ngai juăt jang đei chơ iŏk hăm gre đơ̆ng dôm dêh char, plt truh bơ̆ jang.  

Dơ̆ng: Tơ blơ̆