VOV4.Bahnar - Ƀlep ƀơ̆t tơ băt 96 sơ năm Năr hla ar chih kơ tơ̆ng ang kach mang Việt Nam (21/6), lơ khŭl tang măt Anih tơm, anih jang trung ương păng tơ ring hlôi năm hmach chơt hơ iă kơ khŭl kơ dră chĕp kơ̆l, kang ƀô̆, bơ ngai chih kơ tơ̆ng ang, bơ ngai chih hơ met ming, ki thuơ̆t kơ Anih radio nơ̆r pơ ma Việt Nam (VOV). Năm ngôi păng hmach chơt hơ iă kơ Anih radio nơ̆r pơ ma Việt Nam, Kơ dră tơm, kơ dră Anih vei lăng hơ drĕch kon kông Hầu A Lềnh ‘mĕh vă, kơ dră chĕp kơ̆l Anih radio nơ̆r pơ ma Việt Nam păng kang ƀô̆, bơ ngai chih kơ tơ̆ng ang, bơ ngai chih hơ met ming kơ Anih radio hơ nơ̆ng jang hơ dai, tơ gŭm tơ roi tơ băt trong jang, tơ drong tơ gŭm truh hăm rim kon pơ lei kon kông tơ̆ hơ năp kơnh. Kơ dră Anih tơm vei lăng găh tơ drong kơ tơ̆ng ang păng tơ roi tơ băt Nguyễn Mạnh Hùng năm ngôi păng hmach kơ VOV ‘noh akhan, hla ar chih kơ tơ̆ng ang tŏk bŏk athei pơ jei hăm mạng tơ pôl; ‘mĕh vă ‘noh kăl athei tơ plih ‘nao tơ drong jang. Kơ dră tơm Nguyễn Mạnh Hùng tơ băt, Anih tơm vei lăng găh tơ drong kơ tơ̆ng ang păng tơ roi tơ băt gô hơ met pơ ‘lơ̆ng dôm tơ drong găh trong jang tơ gŭm vă pơm tơ drong hiôk ăn hla ar chih kơ tơ̆ng ang jang tŏk. Kŭm lơ̆m ‘năr 17/6, lơ khŭl tang măt kơ rim anih tơm, anih jang, khŭl grŭp Trung ương păng rim dêh char, pơ lei tơm kŭm hlôi năm hmach chơt hơ iă kơ Anih radio nơ̆r pơ ma Việt Nam nhen: Anih tơm vei lăng Kŏng an, Tổng Liên đoàn Lao động Việt Nam, Anih tơm jang tơ bôl, Anih vei lăng kon pơ lei dêh char Hải Dương …

Thuem: Tơ blơ̆