VOV4.Bahnar - Kiơ̆ Anih Mặt trận Tổ quốc Việt Nam plt HCM, truh dang ei, đei lơ tơ ring lơ̆m tĕh đak tơ gŭm ăn tơ drong jang tang găn jĭ Covid-19 kơ plt. Truh dang ei, plt iŏk đei vă jê̆ 709 ti hlak jên, lơ̆m nŏh dêh char Bến Tre tơ gŭm 500 triu, dêh char Quảng Nam tơ gŭm 2 ti. 

Kŭm hăm jên măt, plt HCM oei iŏk đei tơ drong tơ gŭm găh tơ mam păng pơ gang đei kơ jă hlŏh 105 ti nhen: 10 tân ƀum yoăn đơ̆ng dêh char Vĩnh Long, 20 tân phe đơ̆ng dêh char Đồng Tháp. Dang ei plt HCM hlôi pơ truh jên, tơ mam đei kơ jă hlŏh 709 ti ăn dôm anih jang, tơ drong jang tang găn jĭ. ‘Ngoăih kơ ‘nŏh, đei 105 anih jang, lơ bơ ngai chih măt tơ gŭm hlŏh 2.293 ti păng Mặt trận hlôi iŏk đei loi 244 ti hlak jên, lơ̆m nŏh đei 1 ti hlak jên đơ̆ng dêh char Tây Ninh vă răt vắc xin Covid-19.

Dơ̆ng: Tơ blơ̆