VOV4.Bahnar - Đơ\ng khei 10 ‘nâu, Ko\ng ti U|nh điên Dak Nông pơ gơ\r tơ le\ch jang lơ tơ drong jang “ {lo\k hơ dơ\r kơ tơ moi” sơ năm 2020, tơm ‘no\h lăng găh tơ gu\m rim hnam trưng ho\k păng ho\k tro tơ\ dôm tơ ring mơ mat tat. Mă hơ dăh ‘no\h jang kiơ\ “ Tơ drong jang hơ dai hăm o\h tru\h tơ\ hnam trưng”, an^h jang u\nh điên dôm apu\ng Đắk Song, Đắk Mil, Cư Jút păng Krông Nô, 1 an^h jang gô rơ\ih 1 ham trưng ho\k mơ mat tat vă cho# asong koat ăn kơ rim lăm ho\k.

An^h jang u\nh điên Dak Nông asong tơ mam ăn tơ ring mơ mat tat

Hơ dro# an^h jang U|nh điên Đắk R’lấp asong 50 to\ klang tap ăn kơ dôm đe o\h ho\k tro đei tơ drong ar^h sa mơ mat tat, an^h jang u\nh điên Tuy Đức jang hơ dai hăm khu\l kơ dră tơ ring asong 50 tơ pu tơ mam tơ gu\m dôm u\nh hnam dơ nu\h hin đei [ơm kơ ne# yua đơ\ng j^ Covid-19.

Ko\ng ti u\nh điên Dak Nông oei jang kiơ\ tơ drong jang “ Ao tơ no\ ăn kơ o\h” asong 100 blăh ao tơ no\ ăn kơ ho\k tro tơ\ Gia Nghĩa; pơ lăp u\nh điên măt ‘năr ăn kơ hnam trưng găh Hnam trưng ho\k jăl 1 La Văn Cầu pơm tơ\ tơ ring kon pơ lei oei kơ so# 8, xăh Đắk R’măng (apu\ng Đắk Glong)… Ku\m đơ\ng khei 10 ‘nâu, rim an^h jang u\nh điên lơ\m de#h char gô tơ gu\m to\ se\t hlo\h 1/3 jên jang cho# trong tơ ley tơ\ ro\ng công tơ ăn kơ đ^ đăng tơ moi cho# ‘nao.

Thuem: Tơ blơ\