VOV4.Bahnar - Anih bơ̆ jang kơ Khŭl kơ dră teh đak ‘nao tơ lĕch Tơ roi tơ băt ‘năr 7/11/2021 pơ tôch đơ̆ng Phŏ Thủ tướng Vũ Đức Đam, tơ̆ ‘măng hop akŏm trực tuyến hăm dôm dêh char găh Pơ mơ̆t Pơ băh păng Tây Nguyên găh tơ drong jang tang găn jĭ COVID-19. Đơ̆ng rŏng kơ mơ̆ng tơ roi tơ băt đơ̆ng rim tơ ring, nơ̆r tơ gop đơ̆ng kơ dră Anih tơm vei lăng găh jang pơ gang, Anih tơm vei lăng Kŏng an, Grŭp bơ̆ jang gĭt kăl kơ Khŭl kơ dră teh đak păng rim bơ ngai tang măt vang hop akŏm, Phŏ Thủ tướng Vũ Đức Đam athei Anih tơm vei lăng găh jang pơ gang tơ tĕnh jang kiơ̆ klăih song, athei pơ gơ̆r ƀet vaccine tơ̆ rim tơ ring găh Pơ băh păng Tây nguyên, vei sơ đơ̆ng ƀet tôm jrŭm 1 lơ̆m 5 năr ăn bơ ngai kơ pal kơ 18 sơ năm; ƀet jrŭm 2 tơ tom, tôm; ƀet ăn hơ ioh 12-17 sơ năm. Anih tơm vei lăng găh jang pơ gang, Anih tơm vei lăng khŭl linh pơ gơ̆r khŭl jang tơ gŭm ƀet hrĕnh hloh. Anih tơm vei lăng găh jang pơ gang pơ tho mă hơ dăh, vei sơ đơ̆ng pơ gang vă jăh hơ met hloi đơ̆ng blŭng dôm bơ ngai F0 vă tơ jur tŏ sĕt hloh tơ plih jing jĭ ăl, lôch.

Thuem: Tơ blơ̆