VOV4.Bahnar - Hơ nơ̆ng tơ drong jang bơ̆ jang tơ̆ ‘măng hop akŏm mă 2, Kuôk hô̆i jăl 15, pơ gê hei, (29/10) Kuôk hô̆i pơ ma dơ nuh trực tuyến găh Luơ̆t tĕch mơ dro ƀao hiêm ( hơ met ming). Rim bơ ngai tang măt akhan, luơ̆t hơ met ming kăl pơm hơ tŏ đei yua đơ̆ng păh tĕch păng păh răt ƀao hiêm; vei sơ đơ̆ng hơ tŏ hơ nơ̆ng, rơ đăh.

Kiơ̆ kơ rim bơ ngai tang măt, tơ drong tơm đơ̆ng tơ drong răt ƀao hiêm ‘noh jĭ vă pơ đăp dôm tơ drong hiong, hơ met pơ ‘lơ̆ng hiong răm yua đơ̆ng ưh kơ pŭn ai. Yua thoi noh, hơ dai hăm tơ drong vei lăng đei yua păng ưh kơ pŭn ai ăn anih jang mơ dro sa ƀao hiêm, Luơ̆t tĕch mơ dro ƀao hiêm kăl athei lăng kăl ƀlep tơ drong hăm bơ ngai năm răt, bơ  ngai sa yua ƀao hiêm...

Rim bơ ngai tang măt Kuôk hô̆i kŭm athei Khŭl kơ dră teh đak hơ nơ̆ng dăr hơ len, pơm lăp hăm ‘mĕh vă đơ̆ng anih tĕch ƀao hiêm, jô̆ hloi ƀao hiêm nhân thọ păng ưh kơ nhân thọ, ƀai hiêm păng bao hiêm dơ̆ng.

Kŭm lơ̆m ‘năr ‘nâu mơ̆n, Kuôk hô̆i pơ ma dơ nuh tơ̆ grŭp găh: Tơ chĕng hơ drol trong vă jang hơ met ming dơ̆ng mŭk drăm jăl 2021-2025; tơ chĕng hơ drol trong vă jang iŏk yua teh kơ teh đak sơ năm 2021 - 2030, lăng truh sơ năm 2050 păng trong vă jang iŏk yua teh 5 sơ năm (2021 - 2025).

Thuem: Tơ blơ̆