VOV4.Bahnar – Tơ̆ hop akŏm tơlĕch jang kơ dôm khei jê̆ đĭ xơnăm pơgơ̆r ăh pơgê năr 30/6 tơ̆ Hà Nội, Thư̆ trưởng Anih tơm Choh jang xa păng Hơtŏk tơring pơxĕl Phùng Đức Tiến ră hơdăh, vih choh jang xa jing xơnong jang tơm vă pơtoi hơtŏk kơ tơdrong jang pơkăp  “tơchơ̆t jang hadoi” kiơ̆ pơgơ̆r đơ̆ng Thủ tướng teh đak lơ̆m khei năr pơrang jĭ Covid 19 hơbuh hli. 6 khei kơ âu, dôm tơchơ̆t jang kơ anih choh jang xa adoi đei jơnei hloh kơ tơlĕch jang: Tơdrong hơtŏk đei 3,83%; tŏk 3,71% găh kơjă, tơmam drăm choh pơtăm păng ka hơdang tĕch ăn teh đak đe tŏk 28,3% hăm 24,23 tih đôlar, choh jang xa tơgăl jing dơnơm kơ mŭk drăm, mă kăl noh lơ̆m dôm tơdrong tơnap tap yuơ tơrĕk đơ̆ng pơrang jĭ Covid 19. Tơdrong đei jơnei lơ̆m 6 khei kơ anih choh jang xa noh jing tơdrong mơ̆t jang tơnăp đơ̆ng pơđĭ anih jang chĭnh trĭ atŭm hăm tơdrong vang jang kăp gĭt kơ dôm tơring, anih jang mŭk drăm, jơnŭm choh jang xa păng kon pơlei jang mir kiơ̆ đơ̆ng noh dar deh pơjing păng hơtŏk đei cham char pơm jang choh jang xa kơjăp xơđơ̆ng.

Lan chih păng pơre nơ̆r