VOV4.Bahnar - Le#h mit tinh Jang kiơ\ Khei bơ\ jang tang găn ma túy păng năr đ^ đăng kon pơ lei tang găn ma túy ‘nao đei An^h tơm vei lăng Ko\ng an jang hơ dai hăm An^h vei lăng kon pơ lei de#h char Nghệ An pơ gơ\r gie\ng hơ drol păng nơ\r pơ ma kơ sơ năm ‘nâu ‘no\h ‘ Athei tơ che\ng hơ drol kơ pơ tơm pơm kiơ”. Nơ\r pơ ma ku\m tơ roi akhan tơ drong jang tang găn ma túy ư\h khan lăp lơ\m năr tơ le\ch jang mă athei jing tơ drong jang hơ nơ\ng hăm tơ drong vang jang đơ\ng rim kơ dră rim an^h jang păng pơ đ^ hloi tơ pôl.  

Kiơ\ kơ Thượng tướng Lê Quý Vương, Pho\ kơ dră An^h tơm vei lăng Ko\ng an, tơ drong pơm glăi ma túy tơ\ te\h đak bơ\n oei đei [o#h krê hơ mơt păng kơ tang, kơ so# ma túy đơ\ng te\h đak đe chơ mơ\t lơ\m te\h đak bơ\n oei lơ, kơ so# bơ ngai dư oei hơ nơ\ng kơ to\k, kơ so# bơ ngai hlôi đei hơ met gơ\t dư đei [o#h dư hơ lơ\k dơ\ng lơ. Mă loi ‘no\h tơ je# âu đei [o#h tơ drong bơ ngai dư, bơ ngai yua ma túy chă năm kư\ kă ‘ngoăih tơ pôl, pơm ăn dôm tơ drong glăi khôi luơ\t, pơm hli tơ tăm ư\h kơ lăp đon lơ\m kon pơ lei.  

Lăp jo# hơ dro# 6 khei blu\ng sơ năm 2019, khu\l linh ko\ng an lơ\m te\h đak păng khu\l linh kơ pal hlôi jang hơ dai chă dru\h rôp vă je# 12.300 ‘măng, rôp vei vă je# 19.500 ‘nu, thu io\k 675k^ heroin, 507k^ ketamine, 4.625 k^ ma túy hrâu hre\k păng 131k^ cocaine. Hlôi chă [o#h, dru\h rôp khu\l te\ch mơ dro ma túy kle\ch te\h đak, thu io\k kơ so# ma túy lơ, rôp vei dôm bơ ngai che\p kơ\l đei rim khu\l linh tang găn ma túy lơ\m apu\ng ple\nh te\h ch^h io\k păng lăng ‘lơ\ng. Thượng tướng Lê Quý Vương, akhan:

“Vă pơm tơ jur tơ drong glăi ma tuý, athei kơ dră Đảng, khu\l kơ dră rim tơ ring păng đ^ đăng kon pơ lei athei đei hơ drin ‘lơ\ng jang hơ dai đơ\ng rim khu\l linh, rim khu\l gru\p tơ pôl, hơ drin tang găn, ư\h kơ le# hơ to\k kơ so# bơ ngai dư plơ\ng, hơ to\k loi dơ\ng tơ drong jang iung jang tang găn pơm glăi păng pơ gơ\r hơ met gơ\t dư, tơ gu\m oei hơ dai dơ\ng hăm tơ pôl ăn kơ bơ ngai dư ma túy.”

Pho\ thủ tướng Vũ Đức Đam pơ ma tơ\ jơ pơm le#h

Pho\ kơ dră An^h tơm vei lăng Ko\ng an Lê Quý Vương ku\m akhan, ma túy păng pơm glăi ma túy to\k bo\k jing tơ drong bơ ngơ\t tru\h g^t kăl đơ\ng apu\ng ple\nh te\h păng đ^ đăng lơ\m tơ pôl. Tơ drong răm đơ\ng pơm glăi ma tuý pơm ăn tôch kơ trăp tr^n găh mu\k drăm, ch^nh tr^, tơ pôl, pơm ư\h kơ ‘lơ\ng t^h tru\h tơ drong ar^h sa, hiôk hian đơ\ng kon pơ lei, ‘no\h j^ tơ drong tơm đei [o#h pơm glăi, pơm tơ jur đon tơ che\ng ‘lơ\ng, tơ goăt joăl ‘lơ\ng hơ iă kơ hơ dre\ch hơ dru\ng.

An^h pơ gơ\r jang tang găn pơm glăi tơ pôl păng pơ jing tơ drong jang Đ^ đăng kon pơ lei vei lăng sơ đơ\ng te\h đak, rim kơ dră, rim an^h jang, rim tơ ring kăl kơ athei rim khu\l linh jang hơ dai hăm trong jang kăl io\k tang găn ‘no\h tơm, pơm dă [iơ\, ư\h kơ le# đei [o#h bơ ngai dư plơ\ng. Hơ dai hăm ‘no\h, bơ ngơ\t tru\h tu\n pran rim tơ drong jang tơ roi tơ băt pơ tho găh tang găn ma túy ăn rim răih kon pơ lei, lơ\m no\h lăng kăl tơ roi tơ băt ăn kơ hơ dru\h tơ dăm, ho\k tro, sinh viên păng dôm bơ ngai [ônh [ơm ư\h kơ ‘lơ\ng yua đơ\ng ma túy. Trong jang đei lơ tơ ring tơ le\ch ‘no\h j^ athei pơ jing tơ drong drơ\ng lăp păng jơ hngơ\m pran đơ\ng tơ pôl vang jang tang găn pơm glăi ma túy; [rư\ [rư\ ch^h pơ ke\h hla ar sơ kơ\t khôi luơ\t găh tang găn ma túy.

Hơ dro# hăm Nghệ An, Bí thư đảng de#h char Nguyễn Đắc Vinh, tơ băt, dang ei Nghệ An oei jing 1 lơ\m dôm tơ ring đei khu\l kơ dră te\h đak păng An^h tơm vei lăng Ko\ng an lăng ‘no\h j^ tơ ring krê hơ mơt găh ma túy:

“&nh krao hơ vơn rim kon pơ lei athei hơ nơ\ng hơ to\k ‘lơ\ng đon hlo#h vao găh tơ drong răm đơ\ng ma túy; ư\h kơ gư\h yua păng hơ drin iung jang, tơ kêng hăm pơm glăi ma túy. Rim đe yă [ok, me\ [a\, thây kô ‘no\h dôm bơ ngai pơm kơ m^l vă pơ tho pơ hrăm, tơ [o#h trong ăn kơ đe kon, đe o\h ho\k tro hlo#h păng ve\h hơ tăih ma túy. Dôm bơ ngai hlôi păng to\k bo\k yua ‘no\h j^ đ^ch đam túy, athei hơ dơ\r păng hu\t le# ma túy, jing bơ ngai đei yua ăn tơ pôl. Mă loi ‘no\h, ^nh tơ [o#h đon lui păng ‘me\h vă hăm đe buăl hơ dru\h tơ dăm – dôm bơ ngai tơ ‘ngla tơ\ hơ năp kơnh kơ te\h đak păng kơ de#h char, hăm tơ drong hlo#h vao, đon nu\ih păng hơ gei gô ve\h hơ tăih đơ\ng rim tơ drong pơ hlu\ đơ\ng pơm yoch ma túy.”

Pơ ma pơ gơ\r tơ\ le#h mit tinh Jang kiơ\ khei bơ\ jang tang găn ma túy păng năr đ^ đăng kon pơ lei tang găn ma túy sơ năm ‘nâu, Pho\ Thủ tướng te\h đak Vũ Đức Đam tơ băt, lơ\m apu\ng ple\nh te\h dang ei đei hlo\h 275 triệu ‘nu to\k bo\k yua ma túy. Kơ so# ma túy to\k bo\k đei pơm tơ le\ch, te\ch mơ dro ư\h kơ đei pơ dơ\h to\k. Tơ\ te\h đak bơ\n oei đei hlo\h 230.000 ‘nu bơ ngai yua ma túy đei hla ar hô sơ vei lăng, oei kơ so# tơ pă ro\ lăng oei lơ hlo\h:

“Bơ\n athei hơ nơ\ng jang ‘lơ\ng hlo\h dơ\ng tơ drong jang iung jang tơ jră pơm yoch ma túy, dru\h rôp rim khu\l te\ch ma túy. Athei hơ nơ\ng jang ‘lơ\ng tơ drong jang hơ met dư, mơ\t oei hơ dai, tơ gu\m rim bơ ngai hlôi dư bơ\ih ‘no\h mơ\t oei hơ dai păng mă loi ‘no\h bơ\n athei hơ to\k loi dơ\ng tơ drong jang tơ roi tơ băt, pơ tho vă hơ drin ư\h kơ đei bơ ngai dư plơ\ng.”

Nơ\r pơ ma “ Athei tơ che\ng hơ drol kơ pơ tơm pơm kiơ”, đei tơ drong ‘lơ\ng g^t kăl tơ tă kơ rim jơ hnơr mơ lo#h athei tơ che\ng mă hơ len tơ\ hơ năp tơ drong pơ hlu\ đơ\ng ma túy yua kơ hăm lăp 1 ‘măng pơ long lăng đe\ch ‘no\h ư\h kơ đei trong v^h hơ lơ\k bơ\ih. Ma túy oei to\k bo\k jing tơ drong pơ răm t^h athei đ^ đăng rim an^h jang rim kơ dră păng đ^ đăng tơ pôl athei vang 1 jơ hngơ\m bơ\ jang đei yua hlo\h, hơ drin hlo\h.

Thuem: Tơ blơ\