VOV4.Bahnar – 'Năr âu (5/8), tơ̆ Anih jang Trung ương Đảng, Jơnŭm pơgơ̆r jang Trung ương găh tang găn păng tơjră xa pơjĭp hop akŏm 'măng 20 hăm tơdrong pơgơ̆r đơ̆ng ƀok Tổng Bí thư Nguyễn Phú Trọng, Kơdră Jơnŭm pơgơ̆r jang. 'Nâu jing 'măng Hop akŏm mă blŭng kơ Jơnŭm pơgơ̆r jang Trung ương găh tang găn păng tơjră xa pơjĭp jăl Hop akŏm 'măng mă 13 kơ Đảng, đei pơgơ̆r lơ̆m khei năr pơrang jĭ Covid-19 hơbuh hli hlơt, lang xă kơtang tơ̆ lơ tơring lơ̆m jâ̆p teh đak. Tơ̆ hop akŏm âu, Jơnŭm pơgơ̆r jang Trung ương găh tang găn păng tơjră xa pơjĭp gô pơma đam, tơgop nơ̆r hăm: Chih akŏm tơbang tơdrong đei ƀôh lơ̆m pơm kiơ̆ Tơdrong jang kơ Jơnŭm pơgơ̆r jang 6 khei kơ âu, tơlĕch xơnong jang ăn dôm khei jê̆ đĭ xơnăm âu; Tơroi đei jơnei lơ̆m pơgơ̆r, xek tơlang dôm tơdrong đei ƀôh mă Jơnŭm pơgơ̆r jang hơlen pơgơ̆r; Chih akŏm tơdrong jang “Hơmet, hơtŏk xơnong jang kơpal đơ̆ng Jơnŭm jang Trung ương găh tang găn păng tơjră xa pơjĭp”; Chih akŏm pơkăp găh pơm jang hơlen jang tang găn păng tơjră xa pơjĭp đơ̆ng Jơnŭm pơgơ̆r jang.

Lan chih păng pơre nơ̆r