VOV4.Bahnar - Kơ sơ̆ brei (10/9), Bơ ngai jang lơ̆m Anih tơm Chĭnh trĭ, Phŏ Thủ tướng teh đak Phạm Bình Minh kŭm hăm Bơ ngai jang lơ̆m Quốc vụ, Kơ dră Anih tơm jang tơ bôl Trung Quốc Vương Nghị vang pơ gơ̆r ‘măng hop akŏm mă 13 Anih pơ gơ̆r jang hơ dai 2 pang Việt Nam - Trung Quốc. Tơ̆ ‘măng hop akŏm, 2 păh drơ̆ng nơ̆r pơ trŭt pơ gơ̆r lơ ‘măng năm tơ mang, pơ ma dơ nuh đơ̆ng kơ dră kơ pal; tơ lĕch jang đei yua jang hơ dai đơ̆ng 2 Đảng; hơ tŏk hơ năp jang gĭt kăl đơ̆ng 2 Anih tơm jang tơ bôl lơ̆m tơ drong vei lăng, pơ trŭt pơ vei jang hơ dai; tơ lĕch jang ‘lơ̆ng lơ trong jang tơ ƀơ̆p pơ ma dơ nuh, jang hơ dai lơ̆m rim tơ drong jang khŭl linh, vei sơ đơ̆ng, pơm kiơ̆ khôi luơ̆t; tơ roi tơ drong hlôh vao păng jang hơ dai găh tang găn jĭ Covid-19, lơ̆m noh đei jang hơ dai găh vắc-xin.

Ƀok Vương Nghị tơ băt hơ dăh Trung Quốc gô tơ gŭm dơ̆ng 3 triệu kơ liêu vắc-xin ăn Việt Nam lơ̆m sơ năm ‘nâu, hơ tŏk akŏp kơ sô̆ vắc-xin tơ gŭm đơ̆ng Trung Quốc tŏk 5,7 triệu kơ liêu. Găh tơ drong lơ̆m đak dơ sĭ, 2 păh drơ̆ng nơ̆r hơ nơ̆ng pơm kiơ̆ tơ păt hlôh vao atŭm đơ̆ng kơ dră kơ pal, vei lăng ‘lơ̆ng tơ drong ưh kơ lăp băl, ưh kơ bơ̆ jang pơm mơ mat tơ drong, pơ̆ih să tơ gar băl, vang hơ dai băl pơ vei tơ drong rơ ngei, sơ đơ̆ng tơ̆ Biển Đông.

Thuem: Tơ blơ̆