VOV4.Bahnar - Pơgê năr 21/7, Dơnŏ anĭh chĕp pơgơ̆r Kuô̆k hô̆i tơroi tơbăt ăn Kuô̆k hô̆i găh pơtôch pơma dơnŭh tơ̆ Khŭl păng tơblang hơdăh, tơgoăt iŏk nơ̆r tơgop đơ̆ng kơdră tang măt Kuô̆k hô̆i găh hơmet hơdrol khŭl kơdră hơdrol Kuô̆k hô̆i pơma dơnŭh, pơdrơ̆ng nơ̆r găh hơnăn vă pôk tơmơ̆t rim kơchư̆k Tổng Thư ký Kuô̆k hô̆i, Kơdră chĕp pơgơ̆r Jơnŭm vei lăng kon kông, Kơdră chĕp pơgơ̆r Dơnŏ anĭh bơ̆ jang Kuô̆k hô̆i, Kơdră chĕp pơgơ̆r Hơnih tơm bơ̆ jang Hơlen jên hu Tĕh đak. Kiơ̆ đơ̆ng rŏng ‘nŏh, kơdră tang măt Kuôk hô̆i pôk tơmơ̆t rim kơchư̆k hăm tăh hla. Pơtôch jô̆ hơlen kơ phĭu gô đei tơroi hơdăh đơ̆ng rŏng ‘nŏh hloi.

Tổng Bí thư Nguyễn Phú Trọng hăm Kơdră chĕp pơgơ̆r Tĕh đak Nguyễn Xuân Phúc tăh hla tơ̆ ‘Măng hop akŏm mă blŭng, Kuô̆k hô̆i jăl XV

Jei lơ̆m năr bơ̆ jang mă ƀar au, Kuô̆k hô̆i pơma dơnŭh găh trong vă jang Tơdrong jang dăr lăng kơ Kuô̆k hô̆i sơnăm 2022, tơdrong vă jang Tơdrong jang tơ iung pơjing Khôi luơ̆t, khôi luơ̆t tơm tĕh đak sơnăm 2022, hơmet ming Tơdrong jang pơjing khôi luơ̆t, khôi luơ̆t tơm tĕh đak sơnăm 2021.

Tơblơ̆ nơ̆r: Amazưt