VOV4.Bahnar - Kơ dră tơm vei lăng găh tơ drong jang pơ gang Nguyễn Thanh Long ‘nao tơ roi găh 1,2 tơ drong tơm ƀơm truh tơ drong jang tang găn jĭ COVID-19, mă loi ‘noh jĭ tơ̆ 2 dêh char Bắc Giang, Bắc Ninh; hơ dai hăm ‘noh athei rim kơ dră, anih jang, mă loi ‘noh jĭ rim tơ ring, kăl kơ hơ nơ̆ng hơ tŏk ‘lơ̆ng tơ drong tơ roi lê̆ hơ drol, ư̆h kơ pơm pơ hơi, hơ nơ̆ng hơ vơn pơ đĭ khŭl jang chĭnh trĭ păng kon pơ lei vang jang lơ̆m tơ drong jang tang găn jĭ.

Kơ dră tơm vei lăng găh tơ drong jang pơ gang Nguyễn Thanh Long

Kiơ̆ kơ dră tơm Nguyễn Thanh Long, ‘măng jĭ COVID-19 ‘măng mă 4 đei ƀôh krê hơ mơt hloh, rŏ lăng gô pơ dui đunh ƀiơ̆ kơ rim ‘măng jĭ hơ drol, đei ƀôh tơ̆ lơ tơ ring hăm lơ hơ nih tơ poh, lơ hơ nih đei jĭ atŭm lơ̆m khei ‘năr, kŭm hăm tơ drong đei ƀôh đơ̆ng lơ pơ rang jĭ ‘nao tơ poh hrĕnh hloh, să hloh, pran hloh. Kơ dră tơm Nguyễn Thanh Long athei, tơ̆ hơ năp kơnh rim kơ dră, rim naih jang, mă loi ‘noh jĭ rim tơ ring kăl hơ nơ̆ng hơ tŏk ‘lơ̆ng tơ drong tơ roi tơ băt lê̆ hơ drol, ư̆h kơ pơm pơ hơi, hơ nơ̆ng hơ vơn pơ đĭ khŭl jang chĭnh trĭ păng kon pơ lei vang jang lơ̆m tơ drong jang tang găn jĭ.

Thuem: Tơ blơ̆