VOV4.Bahnar - Kơ iĕng Thủ tướng Vũ Đức Đam hlôi Tơchơ̆t kĭ pơkăp Tơdrong jang Pơrô̆ pơrôp găh hơtŏ hơnơ̆ng drŏ nglo drŏ kăn trŭh sơnăm 2030. ‘Nau ‘măng mă blŭng Việt Nam đei mĭnh tơdrong jang tơƀô̆h tơbăt kơ dĭh găh hơtŏ hơnơ̆ng drŏ nglo drŏ kăn trŭh sơnăm 2030. Tơdrong jang au tơlĕch jang trŭh sơnăm 2025, đĭ đăng rim hơnĭh tơm, hơnĭh bơ̆ jang, tơring tơrang pơjing trong iung jang, tơlĕch jang kiơ̆ Khei iung jang kơ yuơ hơtŏ hơnơ̆ng drŏ nglo drŏ kăn păng tang găn tơdrong hil hơrĕh tĕh rơvĕnh dĭh băl. Hơdrin trŭh sơnăm 2030, tơdrong hlô̆h vao hơtŏ hơnơ̆ng drŏ nglo drŏ kăn lơ̆m kon pơlei tŏk đơ̆ng 10-15% pơtêng hăm sơnăm 2025. Hơdrin trŭh sơnăm 2025, iŏk đei tŏ sĕt hlŏh 70% hơnĭh jang chĭh kơtơ̆ng ang jang kiơ̆ pơkăp chĭh tơbăt tơdrong au. Trŭh sơnăm 2025 jơnei 95% păng trŭh sơnăm 2030 jơnei 100% rim tơdrong pơkăp lơ̆m kon pơlei đei trong pơkăp ư̆h kơ hơrĕh dĭh băl drŏ nglo drŏ kăn. Rim sơnăm, rim hơnĭh jang, khŭl jang, hơnĭh mơdro sa păng kon pơlei đei tơbăt ăn hơdăh găh kơtơ̆ng ang, khôi luơ̆t, trong bơ̆ jang tĕh đak găh hơtŏ hơnơ̆ng dro nglo drŏ kăn tŏ sĕt hlŏh 2 ‘măng.

Tơblơ̆ nơ̆r: Amazưt