VOV4.Bahnar - Tổng thư ký Kuôk hô̆i, Chánh Văn phòng Jơ nŭm vei lăng pôk rơ̆ih teh đak teh đak Bùi Văn Cường pơ ma hơ dăh ‘măng pôk rơ̆ih bơ ngai tang măt Kuôk hô̆i jăl 15 păng bơ ngai tang măt Jơ nŭm pơ gơ̆r kon pơ lei jăl jang 2021-2026 hlôi pơ gơ̆r keh đang ‘lơ̆ng hơ iă. Kơ sô̆ bơ ngai tăh hla năm pôk lơ̆m teh đak ‘noh 95,65%, tơ ring lơ hloh đei 99,92%, tơ ring tŏ sĕt hloh 84%.

 Tơ drong ‘nâu tơ ƀôh tơ̆ kơ sô̆ bơ ngai tăh hla kơ lơ̆m teh đak, đơ̆ng tơ ring găh tu truh tơ ring pơ băh, đơ̆ng anih kơ drơ̆m truh tơ ring tơ rang, tơ ring groi kông, tơ ring sơ lam, achon đak dơ sĭ hlôi chhôk hơ iă năm pôk, jang kiơ̆ tơ drong gơ̆h jang păng tơ drong athei jang đơ̆ng kơ dih. Tơ drong lui lơ̆m Đảng, teh đak kŭm nhen bơ ngai tăh hla rơ̆ih iŏk đei dôm bơ ngai tang măt kơ dih ƀôh lui lơ̆m dôm anih jang chĕp kơ̆l pơ gơ̆r teh đak, tih hloh ‘noh jĭ Kuôk hô̆i kŭm nhen Jơ nŭm pơ gơ̆r kon pơ  lei rim tơ ring. Mĭnh jơ hngơ̆m đon chơt hơ iă, tơ goăt tơ goăl, tơ klep hơ dai păng 1 tơ drong lui lơ̆m tơ drong chĕp kơ̆l đơ̆ng Đảng, teh đak.

Kon pơ lei Tây Nguyên hăm năr pôk rơih

Kŭm hăm tĕh đak, hlŏh 4 triu ‘nu bơ ngai tăh hla tơ̆ dôm dêh char Tây Nguyên vang năm pôk rơih Kuô̆k hô̆i jăl XV, Jơ nŭm pơ gơ̆r kon pơ lei jơ̆p tơ ring đơ̆ng 2021-2026. Tơ drong pôk rơih đei pơ gơ̆r tôch hơ iă. Lơ anih tăh hla hlôi pơ gơ̆r đang hrôih hăm đĭ đăng bơ ngai tăh hla năm pôk rơih ngăl. Hăm tơ drong hơ met hơ drol tôch ‘lơ̆ng, kơ na mă đơ̆ng lơ tơ ring đei tơ drong mơ mat tat, trong hơ tăih, tơ drong pôk rơih tơ̆ Tây Nguyên oei pơ gơ̆r tôch ‘lơ̆ng hơ iă. 

Jô̆ hloi tơ̆ dôm anih ăn oei hơ drô̆ vă tang găn jĭ Covid-19, tơ ring oei pơ vang găn yoa đei bơ ngai jĭ, bơ ngai tăh hla oei tôch hơ iă bơ̆ jang tơ drong gơ̆h jang păng hơ năp athei jang đơ̆ng kon pơ lei. Tơ drong pôk rơih tơ̆ Tây Nguyên đei pơ gơ̆r ‘lơ̆ng sơ đơ̆ng. Lơ tơ ring tơ̆ Tây Nguyên chih jô̆ bơ ngai năm tăh hla tôch lơ, nhen Lâm Đồng, đei 5/12 apŭng, plt đei hlŏh 80% bơ ngai tăh hla năm pôk rơih. Cát Tiên, apŭng hơ tăih yăih hlŏh đei loi 90%. Tơ̆ Dak Lak, apŭng Cư Kuin, đĭ đăng bơ ngai tăh hla năm pôk rơih ngăl.

Thuem hăm Dơ̆ng: Tơ blơ̆