VOV4.Bahnar - ‘Năr 29/6, tơ̆ Hà Nội, Anih Trung ương MTTQ Việt Nam pơ gơ̆r hop akŏm trư̆k tuyê̆n tơ lĕch jang, pơ tâp pơ hrăm găh 2 tơ drong dăr lăng lơ̆m sơ năm 2021: "Dăr lăng sơng kon pơ lei păng sek tơ lang tơ drong tơ kêng hăm Kơ dră vei lăng kon pơ lei jơ̆p tơ ring" păng "Dăr lăng kăn ƀô̆, đảng viên păng tơ drong jang kăn ƀô̆".

Lơ̆m ‘măng dăr lăng jơ̆p lơ̆m tĕh đak, tơ drong dăr lăng sơng kon pơ lei păng sek tơ lang tơ drong tơ kêng, anih MTTQ jơ̆p tơ ring vă akŏm hơ len năng tơ drong sơng kon pơ lei păng sek tơ lang tơ drong tơ kêng hăm Kơ dră vei lăng kon pơ lei jơ̆p tơ ring lơ̆m tĕh đak. Hăm tơ drong "Dăr lăng kăn ƀô̆, đảng viên păng tơ drong jang kăn ƀô̆", MTTQ jơ̆p tơ ring vă dăr lăng tơ drong jang kiơ̆ dôm tơ drong hơ găt găh tơ drong jang kăn ƀô̆; dăr lăng tơ drong chih tơ roi tơ mam drăm hăm kăn ƀô̆, bơ ngai jang kơ tĕh đak tơ̆ rim anih jang đảng păng khul kơ dră tơ ring, anih vei lăng tĕh đak jơ̆p tơ ring; dăr lăng kăn ƀô̆, đảng viên tơ̆ tơ ring oei xa…

Dơ̆ng: Tơ blơ̆