VOV4.Bahnar – Khul kơpal kơ Anih jang Măt trâ̆n tôh kuôk Việt Nam dêh char Lâm Đồng, hlôi truh apong păng thơ thâu hơ iă Lêh tih Phật Đản Phật lĭch 2565 xơnăm 2021 tơ̆ hnam chua Tổ Đình Linh Quang păng hnam chua Linh Sơn plei tơm Đà Lạt. Tơ̆ dôm tơring truh apong, kơdră Anih jang Măt trâ̆n tôh kuôk Việt Nam dêh char hlôi pơtruh nơ̆r thơ thâu hơ iă 'lơ̆ng rŏ hăm đe kơdră pơgơ̆r tơdrong khop Phật, đe yă giĕng ƀok xoi phật păng kon pơlei kiơ̆ khop Phâ̆t gơh chơt hơ iă jơnap xô̆ xôn; atŭm hăm noh xơkơ̆t păng hmach bơnê kơ dôm tơdrong tơgop đơ̆ng đe kơdră pơgơ̆r tơdrong khop phâ̆t, păng tôm kon pơlei kiơ̆ khop Phâ̆t lơ̆m tơdrong pơm kiơ̆ dôm tơdrong tơchơ̆t đơ̆ng Đảng, khôi luơ̆t teh đak, mă hăt noh lơ̆m tơdrong jang tơroi tơbăt tang găn păng tơjră jĭ Covid- 19 lơ̆m dêh char. Tang măt ăn dôm Anih pơgơ̆r tơdrong Khop Phâ̆t kơ dêh char păng plei tơm Đà Lạt hlôi bơnê kơ tơdrong tơgŭm đơ̆ng Anih jang Măt trâ̆n tôh kuôk Việt Nam dêh char pơma adrô̆ păng anih jang chĭnh trĭ kơ dêh char pơma atŭm hlôi pơm trong hiôk ăn Phâ̆t yăo roi năr roi hơtŏk pran kơjăp.

Lan chih păng pơre nơ̆r