VOV4.Bahnar - Roi ‘năr roi đei lơ dro\ kăn bơ ngai kon kông Tây Nguyên hơ drin hăm rim tơ drong jang tơ pôl, sơ kơ\t hơ dăh jang jơ nei lơ\m tơ pôl hăm đon hơ drin yua kơ tơ drong hơ to\k tơ iung đơ\ng kơ d^h mo\ o\h dro\ kăn. Mo\  Y Chon, kơ dră Khu\l vei lăng dro\ kăn xăh Đăk Dục, apu\ng Ngọc Hồi, de#h char Kon Tum ‘no\h j^ 1 ‘nu bơ ngai thoi no\h.

Mo\ Y Chon (rơ ne\h sơ năm 1986), dang ei ‘no\h kơ dră khu\l vei lăng dro\ kăn xăh Đăk Dục, apu\ng Ngọc Hồi, de#h char Kon Tum păng jing 1 lơ\m dôm kang [o# Khu\l pơm ju\k yu\k trong hơ lâu, pơ nam, hơ gei lơ\m tơ drong jang.

Mo\ Y Chon tơ roi: Rơ ne\h păng t^h vơ\ lơ\m groi te\h tơ ring sơ lam Ngọc Hồi, lăng tơ drong ar^h sa kơ kon pơ lei kon kông tơ\ âu, mă loi ‘no\h j^ mo\ o\h dro\ kăn oei tơ [ơ\p lơ mơ mat tat pơ đ^ găh jơ hngơ\m đon păng tơ mam drăm, kơ na ^nh đei lơ tơ drong tơ che\ng. Io\k đơ\ng dôm năr oei năm ho\k, ^nh hlôi ‘me\h đơ\ng ro\ng âu kơnh ‘lo\ athei jang kiơ ‘no\h tơ gu\m mo\ o\h dro\ kăn kon kông nhôn dă [iơ\ kơ mơ mat…

‘Me\h vă ling lang ‘no\h j^, mo\ ling lang hơ drin vă jang đang hơ năp jang rim kơ dră pơ jao ăn. Mă loi ‘no\h, lơ\m dôm sơ năm tơ je# âu, mo\ hlôi hơ dai hăm Khu\l che\p kơ\l pơ gơ\r Khu\l vei lăng dro\ kăn xăh kơ chăng tơ che\ng hơ len, tơ le\ch, ap^nh rim trong jang [ơm tru\h tơ drong pơm tơm păng đei yua tro\ luơ\t đơ\ng dro\ kăn păng hơ io\h, hơ dai hăm đei dôm trong jang pơ tru\t hơ to\k tơ iung mu\k drăm – tơ pôl lơ\m tơ ring.

Mo\ Y Chon ‘no\h j^ bơ ngai tang măt Jơ nu\m pơ gơ\r kon pơ lei xăh, j^ bơ ngai jang lơ\m rim gru\p jang nhen: Khu\l pơ tho tơ [o#h găh te\h, khu\l tơ drong jang tơ jur dơ nu\h hin Tây Nguyên, khu\l tang găn ‘mi kial hơ bu\t kơ xăh…, kơ na mo\ đei lơ tơ drong hiôk vang jang rim tơ drong dăr hơ len, pơ ma tơ blang găh rim trong jang tơ gu\m đơ\ng te\h đak tơ gu\m hơ drol ăn dro\ kăn. Lơ\m no\h, tang măt ăn nơ\r pơ ma găh dro\ kăn, mo\ hlôi vang ako\m 3 ‘măng hop ako\m joăt jang păng ư\h kơ ê [ơm tru\h tơ drong bơ\ jang kiơ\ trong jang tơ gu\m vei lăng sơ đơ\ng tơ drong ar^h sa tơ pôl, vei lăng tơ drong pơm tơm păng đei yua tro\ luơ\t đơ\ng dro\ kăn păng hơ io\h, tơ drong jang tơ jur dơ nu\h hin, khăm hơ met j^ ăn hơ io\h đơ\ng 0-6 sơ năm, te\h dong băl lơ\m u\nh hnam, tơ rôp hơ io\h. Mo\ ku\m hlôi kơ tă vang sek tơ lang jơ nei 8 ‘măng pơ ma ư\h kơ lăp băl tơ\ pơ lei, 3 ‘măng pơ ma ư\h kơ lăp băl u\nh hnam, 6 ‘măng io\k u\nh om, hơ dai hăm athei an^h jang kơ pal hơ met ‘lơ\ng tơ tom 2 tơ drong [ơm tru\h te\h dong băl lơ\m u\nh hnam…

Lơ\m tơ drong jang hơ to\k tơ iung mu\k drăm, mo\ Y Chon hlôi pơ\n pơ gơ\r rim tơ drong jang hơ nhăk ăn io\k yua mu\k drăm ăn mo\ o\h hai, pơm rơ go\h cham char păng pơm pơ ro\ ‘lơ\ng pơ lei pơ la hai. Nhen tơ drong mo\ hlôi tơ le\ch jang kiơ\ tơ drong jang “Tơ pl^h râm re\k jing jên” tơ\ khu\l dro\ kăn plei Chả Nội I, blu\ng a lăp đei 15 ‘nu vang jang. Đơ\ng ro\ng vă je# 4 sơ năm bơ\ jang, tơ drong jang âu hlôi hơ to\k tơ iung đei 11 chi hội hăm 714 ‘nu vang jang păng io\k đei hlo\h 46 triệu hlak jên.

Hăm tơ drong jang “Trong pơ kao”, tơ le\ch jang đơ\ng sơ năm 2016, mo\ Y Chon hlôi krao hơ vơn đei 64 mo\ o\h plei Dục Nhầy I vang jang păng pơ tăm đei  1km trong pơ kao rim kơ loăi. Tru\h dang ei, tơ drong jang âu hlôi lang să đei  11 chi hội vang jang pơ tăm đei hlo\h 11km trong pơ kao hăm rim kơ loăi ‘long pơ kao, pơ kao rơ na păng 1,2 kơ loăi pơ kao nai lăp hăm to\ ‘mi kial kơ tơ ring.

Tơ drong jang “ Dro\ kăn rong nhu\ng bronh” ‘nao tơ le\ch jang đei vă je# 10 khei tơ\ plei Nông Nhầy I hăm 8 ‘nu vang jang đei rơ\ih tơ gu\m jên hơ drol vă pơm hơ drong ‘lơ\ng păng răt 40 to\ nhu\ng yo\ng. Tru\h dang ei, nhu\ng t^h vơ\ ‘lơ\ng, lơ\m no\h hlôi đei 8 to\ nhu\ng yo\ng tu\h đei 98 to\ kon.

Mo\ Y Lát – Kơ dră gru\p jang hơ dai “Dro\ kăn rong nhu\ng bronh” plei Nông Nhầy 1 kơ xăh tơ băt: Lơ\m kơ plăh tơ le\ch jang tơ drong jang âu, mo\ Y Chon ling lang bơ ngơ\t hăm tơ drong jang kơ na hơ nơ\ng năm tơ\ tơ ring vă hơ dai hăm mo\ o\h pơ tho trong vei lăng liơ vă kơ nhu\ng t^h vơ\ ‘lơ\ng. Mă đơ\ng ‘nao lăp  jing hơ yak blu\ng, mă lei tơ drong jang âu hlôi đei mo\ o\h lơ\m gru\p chhôk ‘nă păng lăng ‘lơ\ng tơ drong pơ nam, hơ gei đơ\ng mo\ Y Chon lơ\m tơ drong jang hơ to\k ‘lơ\ng hlo#h vao đơ\ng mo\ o\h dro\ kăn kon kông lơ\m tơ drong tơ pl^h trong jang ‘long pơ tăm, kon tơ rong vă dar de\h tơ jur dơ nu\h hin kơ jăp.  

Hăm tơ drong jang tơ năp, hơ gei lơ\m tơ drong jang Khu\l tơ\ tơ ring, đơ\ng sơ năm 2016 tru\h dang ei, mo\ Y Chon hơ nơ\ng đei rim kơ dră pôk hơ păh, đei Khu\l vei lăng dro\ kăn Việt Nam pôk mê đai “Yua kơ tơ drong hơ to\k tơ iung đơ\ng dro\ kăn Việt Nam”.

Mă đơ\ng sơ năm oei mơ lo#h ră, mă lei hăm đon tơ che\ng păng bơ\ jang hơ drin, hơ gei lơ\m kơ plăh tơ le\ch jang tơ drong jang khu\l, mo\ Y Chon hlôi sơ kơ\t hơ dăh đei hơ năp jang tơ năp đơ\ng kơ d^h hăm mo\ o\h dỏ\ kăn, ku\m hăm mo\ o\h hơ drin sơ kơ\t hơ dăh kơ d^h kâu lơ\m tơ pôl.

            Trần Văn Phúc: Ch^h

          Thuem: Tơ blơ\