VOV4.Bahnar - ‘Măng hop akŏm ưh kơ ê ‘măng mă mônh, Kuôk hô̆i jăl 15 vă pơ gơ̆r tơ̆ Hnam Kuôk hô̆i, Anih tơm Hà Nội lơ̆m ‘năr 04/01/2022 păng pơ tôch lơ̆m ‘năr 11/01/2022. Yua đơ̆ng tơ drong jĭ hơ buh Covid-19 đei ƀôh krê hơ mơt, Kuôk hô̆i hop akŏm trực tuyến pơ đĭ ‘măng kiơ̆ trong pơ dăh ti vi đơ̆ng Hnam Kuôk hô̆i truh 62 Khŭl tang măt Kuôk hô̆i rim dêh char, pơ lei tơm găh Trung ương. ‘Nâu jĭ kơ tơ̆ng ang đei tơ lĕch tơ̆ jơ hop akŏm tơ roi tơ băt hăm khŭl chih kơ tơ̆ng ang găh tơ chĕng hơ drol tơ drong jang ‘măng hop akŏm ưh kơ ê ‘măng mă mônh, Kuôk hô̆i jăl 15. Tơ̆ ‘măng hop akŏm ưh kơ ê âu, Kuôk hô̆i pơ ma dơ nuh păng tơ chĕng hơ drol pơ drơ̆ng kiơ̆ Luơ̆t hơ met ming, tơ mơ̆t dơ̆ng 1,2 hơ păng đơ̆ng 8 luơ̆t. Tơ chơ̆t pơ long lăng 1,2 trong jang, tơ drong tơ gŭm hơ drô̆ hơ tŏk tơ iung pơ lei tơm Cần Thơ; Tơ chơ̆t găh tơ drong tơ gŭm jên hu tơ gŭm tơ lĕch jang Tơ drong jang tơ iung ming dơ̆ng păng hơ tŏk tơ iung mŭk drăm - tơ pôl; Tơ chơ̆t găh Trong jang tơ mơ̆t jên jang Tơ drong vă jang ming man trong gre kơ dâu hrĕnh Bắc - Nam găh hơ lĕch jăl jang 2021-2025.

 Thuem: Tơ blơ̆