VOV4.Bahnar - Năr au, năr 8/4 jing năr bơ̆ jang tuch luch kơ ‘măng hop akŏm mă 11, Kuô̆k hô̆i jăl XIV. Tơ̆ pơgê, Kuô̆k hô̆i pơma dơnŭh găh rim hla bơar kĭ tơchơ̆t athei pôk tơmơ̆t mĭnh ƀar ‘nu Kơ iĕng Thủ tướng Tĕh đak, mĭnh ƀar Kơdră dơnơm păng rim kơdră jang anai kơ Khŭl kơdră chĕp pơgơ̆r Tĕh đak.

‘Măng hop akŏm mă 11, Kuô̆k hô̆i jăl XIV

Kơdră jang lơ̆m Dơnŏ anĭh chĕp pơgơ̆r Kuô̆k hô̆i Nguyễn Thị Thanh, tang măt ăn Dơnŏ anĭh chĕp pơgơ̆r Kuô̆k hô̆i, tơroi tơbăt pơtôch pơma dơnŭh tơ̆ Khŭl găh athei kĭ tơchơ̆t pôk tơmơ̆t mĭnh ƀar ‘nu Kơ iĕng Thủ tướng Tĕh đak, mĭnh ƀar ‘nu kơdră dơnơm păng kơdră anai lơ̆m Khŭl kơdră tĕh đak. Thủ tướng Tĕh đak Phạm Minh Chính tơroi tơbăt ăn Kuô̆k hô̆i găh tơblang hơdăh, tơgoăt iŏk nơ̆r tơgop đơ̆ng kơdră tang măt hơdrol kơ Kuô̆k hô̆i kĭ tơchơ̆t athei pôk tơmơ̆t hăm trong tăh hla hrĕp. Lăp đơ̆ng rŏng tơbăt hơdăh kơphĭu, Kuôk hô̆i chă pơma dơnŭh, pơdrơ̆ng nơ̆r drơ̆ng kiơ̆ Tơdrong tơchơ̆t kĭ tơchơ̆t tơdrong pôk tơmơ̆t mĭnh ƀar kơ iĕng Thủ tướng tĕh đak, mĭnh ƀar kơdră dơnơm păng rim kơdră anai lơ̆m Khŭl kơdră tĕh đak.

Tơblơ̆ nơ̆r: Amazưt