VOV4.Bahnar - Hơ nơ̆ng bơ̆ jang lơ̆m hop akŏm mă 1, Kuô̆k hô̆i jăl 15, ƀât blŭng jơ jang pơ gê hei, Kơ dră Kuô̆k hô̆i Vương Đình Huệ đei ƀai iung pơ ma tơ̆ hơ năp Kuô̆k hô̆i ƀlep ƀât năr Linh jĭ rơ ka-linh lôch tang ăn tĕh đak (27/7).

Til pơ gê, Kuô̆k hô̆i pơ ma nuh tơ̆ hnam hôp tơm găh trong tơ mât jên ăn dôm tơ drong jang tơm kơ tĕh đak tơ jur tơ nuh hin kơ jăp ‘lơ̆ng păng pơ jing tơ ring tơ rang ‘nao đơ̆ng 2021-2025. Kăl loi, tơ drong vă pơ ma nuh kơ sơ̆ ‘nâu, dôm bơ ngai tang măt Kuô̆k hô̆i pơ ma nuh tơ̆ hnam hôp găh dôm trong jang jên jang; trong tŏk iŏk jên, kla jên hre păng trong tơ mât jên jang đunh păh lăp đơ̆ng 2021-2025.

Đơ̆ng 5 jơ kơ sơ̆ ‘nâu, Kuô̆k hô̆i hôp ‘ngoăih jơ jang, pơ drơ̆ng nơ̆r ăn dôm Tơ drong tơ chơ̆t găh Trong jang atŏk tơ iung mŭk drăm tơ pôl 5 sơ năm 2021-2025. Pơ drơ̆ng nơ̆r ăn tơ drong Tơ chơ̆t găh chih pơ jing khôi luơ̆t, tơ drong tơ chơ̆t lơ̆m sơ năm 2022, hơ met ming tơ drong jang chih pơ jing luơ̆t, tơ drong tơ chơ̆t sơ năm 2021 păng Pơ drơ̆ng nơ̆r ăn dôm tơ drong tơ chơ̆t găh pơ jing Khul dăr hơ len kiơ̆ tơ drong jang đơ̆ng Kuô̆k hô̆i sơ năm 2022.

Dơ̆ng: Tơ blơ̆