hu

VOV4.Bahnar - Năr ‘nâu, Kuôk hô̆i hơ nơ̆ng pơ ma dơ nuh trực tuyến găh tơ drong tơ chơ̆t găh jên hu vă tơ gŭm Tơ drong jang tơ iung ming dơ̆ng păng hơ tŏk tơ iung mŭk drăm - tơ pôl păng pơ ma dơ nuh trực tuyến găh tơ drong tơ chơ̆t pơ long lăng 1,2 trong jang tơ gŭm hơ drô̆ hơ tŏk tơ iung pơ lei tơm Cần Thơ. Kơ sơ̆ ‘năr 6/1, Kuôk hô̆i pơ ma dơ nuh tơ̆ grŭp găh Trong jang tơ mơ̆t jên jang vă ming man trong gre kơ dâu hrĕnh Bắc - Nam găh Hơ lĕch jăl jang 2021-2025. Tơ drong tơm đei rim bơ ngai tang măt tôch kơ bơ ngơ̆t truh ‘noh jĭ tơ drong đei yua đơ̆ng tơ drong hơ vơn, iŏk yua jên păng tơ drong bơ̆ jang kiơ̆ tơ drong jang. Tơ drong jang ming man trong gre kơ dâu hrĕnh Bắc - Nam găh Hơ lĕch jăl jang 2021 - 2025 tơ mơ̆t jên jang 729 km, klăih song jing 12 tơ drong jang. Găh akŏp jên tơ mơ̆t jang tơ drong jang, kiơ̆ hla ar tơ roi đơ̆ng Khŭl kơ dră teh đak, ‘noh dang 146.990 ti hlak jên. Lơ̆m khei ‘năr đei lơ mơ mat tat păng kon jên jang ưh kơ đei lơ, rim bơ ngai tang măt Kuôk hô̆i athei rơ̆ih iŏk trong hơ yơ gĭt kăl hloh ‘noh pơm hơ drol, jô̆ hơ len tơ drong đei yua, rơ̆ih iŏk trong jang tơ mơ̆t jên jang... Ăn tơ gop nơ̆r găh tơ drong tơ chơ̆t pơ long lăng 1,2 trong jang tơ gŭm hơ drô̆ hơ tŏk tơ iung pơ lei tơm Cần Thơ, rim bơ ngai tang măt akhan gô pơm trong jang sơng iŏk tơ mơ̆t jên jang, hơ tŏk ‘lơ̆ng tơ drong arih sa kon pơ lei, pơ jing pơ lei tơm Cần Thơ jing anih kơ drơ̆m hơ tŏk tơ iung kơ tơ ring tơ măn đak krong Cửu Long, tơ gop tơ găl lơ̆m tơ drong hơ tŏk tơ iung atŭm kơ teh đak tơ̆ hơ năp kơnh.

Thuem: Tơ blơ̆