VOV4.Bahnar - Năr ‘nâu, ‘năr 10-3 âm lịch, jĭ năr et soi kơ Ƀok Pơ tao Hùng. Kiơ̆ anih pơ gơ̆r et soi kơ ƀok Pơ tao Hùng – Tơ drong lêh Ðền Hùng sơ năm 2021 jĭ sơ năm le kơ na dêh char Phú Thọ iŏk pơ gơ̆r. Hơ dai hăm dôm tơ drong et soi so, vă pơm kiơ̆ dôm tơ drong hơ găt tang găn jĭ Covid-19, tơ drong ngôi pơ chơt lăp pơ gơ̆r hăm 1,2 tơ drong hơ ri hơ xoang kră sơ̆ đĕch.

Tơ drong lêh soi tơ̆ Đền Hùng

Dôm tơ drong lêh đei: Lêh soi kơ Ƀok Lạc Long Quân păng lêh sŏh plang nhang ăn Yă Âu Cơ lơ̆m 'năr 17-4 (jing 'năr 6-3 âm lịch); Lêh soi kơ Ƀok Pơ tao Hùng păng plang pơ yơ̆r pơ kao tơ̆ rup man Ƀok Hô pơ ma nuh hăm kăn ƀô̆, linh Ðại đoàn quân Tiên Phong 'năr 21-4 (jing 'năr 10-3 âm lịch); Lêh sŏh plang nhang ƀlŏk hơ dơ̆r kơ đe Ƀok Pơ tao Hùng đơ̆ng dôm tơ ring lơ̆m dêh char (đơ̆ng 'năr 1 truh 7-3 âm lịch). Găh tơ drong ngôi pơ chơt, ƀlep ƀât 'măng mă âu, lơ̆m tơ drong lêh lăp pơ gơ̆r dôm tơ drong hơ ri hơ xoang so nhen tĕh hơ gơ̆r kong, thi 'nŭng, rơ̆ ƀĕng chưng păng ƀĕng giầy.

Dơ̆ng: Tơ blơ̆