VOV4.Bahnar - Thủ tướng tĕh đak ‘nao đei Hla ar chih nơ̆r athei 479/CĐ-TTg găh pơ vih ăn tơ drong yak vih vât đơ̆ng kon pơ lei păng vei lăng sơ đơ̆ng ‘lơ̆ng tơ̆ trong nơ năm lơ̆m năr pơ dơ̆h lêh ‘năr 30/4 păng ‘năr 01/5/2021.

Hla ar chih tôch rơ đăh, ƀât năr pơ dơ̆h lêh ‘năr 30/4 păng ‘năr 01/5, Thủ tướng tĕh đak athei dôm anih tơm, anih jang kơ pal, dôm dêh char, plt găh Trung ương kiơ̆ tơ drong jang đơ̆ng kơ dih pơ gơ̆r vei lăng sơ đơ̆ng ‘lơ̆ng tơ drong chơ chuĕn bơ ngai yak vih vât; bơ̆ jang kiơ̆ dôm tơ drong hơ găt găh vei lăng sơ đơ̆ng tơ̆ trong nơ năm; Hơ tŏk tơ drong vei sơ đơ̆ng ƀât dôm anih trong tơ ƀưh, dôm anih răt tơ mam, anih ngôi pơ chơt, anih et xa păng dôm anih chă tơ mang lăng, pơm lêh tih.

Roi tơ băt kơ sô̆ điên thoăi kăl găh tơ drong vei lăng sơ đơ̆ng tơ̆ trong nơ năm kơ dôm anih jang trung ương, rim tơ ring vă răp mơ̆ng nơ̆r pơ ma, tơ roi đơ̆ng kon pơ lei ƀơm truh tơ drong sơ đơ̆ng tơ̆ trong nơ năm ƀât năr pơ dơ̆h lêh; pơm ‘lơ̆ng vă bơ̆ jang hơ nơ̆ng đĭ giĕng, chă răp mơ̆ng nơ̆r tơ roi, sek tơ lang, hơ met pơ ‘lơ̆ng dôm tơ drong ưh hơ iă...

Dơ̆ng: Tơ blơ̆