VOV4.Bahnar - Ƀlep ƀât Năr yoa bơ ngai tơ nuh Việt Nam (17/10), Thủ tướng tĕh đak đei nơ̆r athei dôm ƀok Kơ dră, bơ ngai chĕp kơ̆l Anih jang hơ tŏ hăm anih tơm, anih jang găh Khul kơ dră tĕh đak, dôm Bí thư đảng dêh char, pơ lei tơm (plt), Kơ dră vei lăng kon pơ lei dôm dêh char, plt găh trung ương: Akŏm jơ hngâm chĕp kơ̆l pơ gơ̆r bơ̆ jang đei yoa ‘lơ̆ng dôm tơ drong tơ gŭm, tơ drong jang, trong jang sut pơ đĭ pơ ngot, tơ jur tơ nuh hin;

Hơ nơ̆ng tơ rĕk, vei lăng ‘lơ̆ng ƀiơ̆, mă loi hăm dôm bơ ngai tơ nuh, bơ ngai đei tơ drong arih xa mơ mat tat, bơ ngai ưh pŭn ai lơ̆m tơ pôl, kăl hlŏh jĭ hăm bơ ngai tơ nuh pŭ răm đơ̆ng sar bar tŏ ‘mi kial kơ nê̆, đơ̆ng jĭ COVID-19; Hơ nơ̆ng pơ ‘nhŏ jên tĕh đak păng jên mong akŏm lơ̆m tơ pôl vă pơ yoa ăn tơ drong jang sut pơ ngot, tơ jur tơ nuh hin, tơ gŭm ăn bơ ngai tơ nuh, vei lăng ‘lơ̆ng tơ drong arih xa tơ pôl. Anih tơm vei lăng tơ drong jang xa, linh jĭ rơ ka păng tơ pôl jang hơ doi hăm dôm anih jang kơ pal, tơ ring tơ rang jăh tơ lĕch Tơ drong jang tơm kơ tĕh đak tơ jur tơ nuh hin kơ jăp ‘lơ̆ng.

Dơ̆ng: Tơ blơ̆