VOV4.Bahnar - Kơ dră Anih tơm vei lăng găh Choh jang sa păng hơ tŏk tơ iung tơ ring tơ rang ‘nao tơ lĕch Nơ̆r athei đơ̆ng Kơ dră Anih vei lăng kon pơ lei rim dêh char, pơ lei tơm găh Trung ương pơ gơ̆r tơ drong jang “Têt pơ tăm ‘long rim jơ hnơr ƀlŏk hơ dơ̆r kơ ƀok Hồ” ƀlep ƀơ̆t pơ yan Puih Mak Nhâm Dần păng hơ tŏk loi dơ̆ng tơ drong jang vei lăng, hơ tŏk tơ iung bri sơ năm 2022. Kiơ̆ kơ ‘noh, tơ drong pơ gơ̆r tơ lĕch jang “ Têt pơ tăm ‘long” hơ dăh ‘lơ̆ng, đei yua, ưh kơ pơm vă pơ trŏ, vei sơ đơ̆ng dôm tơ drong hơ găt găh “ pơm lăp sơ đơ̆ng, tơ tĕnh, vei lăng đei yua jĭ COVID-19”; pơm tơ drong hiôk vă kơ rim anih jang, khŭl jang, grŭp tơ pôl, hnam trưng hŏk, khŭl linh păng rim răih kon pơ lei hơ drin vang jang pơ tăm ‘long, pơ tăm bri; hơ drin hơ găt pơ tăm ‘long lơ ƀiơ̆ tŏ sĕt hloh 20% pơ têng hăm pơ tôch bơ̆ jang kiơ̆ sơ năm 2021 kiơ̆ trong tơ lĕch jang đơ̆ng Anih tơm vei lăng găh Choh jang sa păng Hơ tŏk tơ iung tơ ring tơ rang hlôi akŏm, tơ roi tơ băt kơ Thủ tướng teh đak.

Thuem: Tơ blơ̆