VOV4.Bahnar -  Ƀlep lơ̆m ƀok Nguyễn Xuân Phúc đei pôk tơmơ̆t jang Kơdră chĕp pơgơ̆r Tĕh đak Cộng hòa xã hội chủ nghĩa Việt Nam, kơsơ̆ năr 05/4, Tổng Bí thư, Kơdră chĕp pơgơ̆r Tĕh đak Cộng hòa dân chủ nhân dân Lào Thounglun Sisolith hlôi pơtrŭh Kơthơ hmach chơt hơ iă păng krao điên thoăi pơma dơnŭh.Lơ̆m kơthơ, Tổng Bí thư, Kơdră chĕp pơgơ̆r Tĕh đak Lào lui akhan, hăm tơdrong jang hơgei, đei yom kơtang păng bơ̆ jang đunh đai tai sơnăm, Kơdră chĕưp pơgơ̆r Tĕh đak Nguyễn Xuân Phúc atŭm hăm Khŭl kơdră chĕp pơgơ̆r ‘nao gô hơnơ̆ng hơnhăk Việt Nam iŏk đei jơnei tĭh tên hlŏh dơ̆ng, jang kiơ̆ jơnei Tơdrong tơchơ̆t Pơm lêh hop akŏm ‘măng mă XIII kơ Đảng Kŏng san Việt Nam. Thủ tướng Trung Quốc Lý Khắc Cường pơtrŭh nơ̆r hmach chơt hơ iă ăn Kơdră chĕp pơgơ̆r Tĕh đak Nguyễn Xuân Phúc hăm Thủ tướng Tĕh đak Phạm Minh Chính. Thủ tướng Trung Quốc sơkơ̆t hơdăh gô hơdrin kơtang tơ iung pơjing jang hơdoi vang iŏk đei jơnei, vang đeiiok yua ăn ƀar tĕh đak, tơgop kơtang ăn tơgoăt tơgoăl tĕh đak tơ jê̆ ‘lơ̆ng hơ iă păng jang hơdoi tôm tong Trung Quốc - Việt Nam. Atŭm lơ̆m năr, Thủ tướng Nhật Bản Suga Yoshihide jei hlôi pơtrŭh nơ̆r hmach chơt hơ iă ăn Kơdră chĕp pơgơ̆r Tĕh đak Nguyễn Xuân Phúc hăm Thủ tướng Tĕh đak Phạm Minh Chính. 

Tơblơ̆ nơ̆r: Amazưt