VOV4.Bahnar - ‘Năr 5/10, lơ̆m ƀai iung pơ ma pơ gơ̆r Hop akŏm ‘măng mă 4 Anih chĕp kơ̆l pơ gơ̆r Trung ương Đảng jăl 13, Tổng Bí thư Nguyễn Phú Trọng hlôi tơ roi 1,2 tơ drong mŭk drăm - tơ pôl sơ năm 2021-2022. Kiơ̆ đơ̆ng noh ăn ƀôh, nơ̆r pơ ma tôch kơ pran kơ tang đơ̆ng Đảng păng teh đak ‘noh hơ nơ̆ng tơ lĕch tơ drong hơ găt vei sơ đơ̆ng tơ̆ hơ năp jĭ hơ buh Covid 19; vei sơ đơ̆ng tơ drong arih sa, jơ hngơ̆m jăn kơ kon pơ lei; hơ dai hăm ‘noh jĭ tơ lĕch ăn trong jang vă tơ iung ming păng hơ tŏk tơ iung mŭk drăm lơ̆m dôm khei uơ oei dơ̆ng kơ sơ năm păng tơ lĕch trong jang ăn sơ năm 2022 truh.

Hop akŏm ‘măng mă 4 Anih chĕp kơ̆l pơ gơ̆r Trung ương Đảng jăl 13 tŏk bŏk pơ gơ̆r tơ̆ Anih tơm Nội

Hăm tơ drong vei lăng kơ tang, pơ ‘lơ̆ng, tơ lĕch ăn lơ trong jang trŏ ƀlep hăm rim khei ‘năr đơ̆ng Đảng, teh đak, khŭl kơ dră teh đak, tơ drong mŭk drăm - tơ pôl 9 khei âu ki hlôi iŏk đei 1,2 jơ nei ‘lơ̆ng. Jô̆ atŭm 9 khei, bơ̆ jang pơm tơ lĕch, tĕch mơ dro oei đei pơ vei. 1,2 tơ drong ‘lơ̆ng đơ̆ng mŭk drăm ‘noh hơ tŏk asong tŏk iŏk jên đei 7,17%, tơ gŭm ‘lơ̆ng ăn mŭk drăm tŏk 9 khei sơ năm 2021. Akŏp kơ sô̆ jên krao hơ vơn lơ̆m anih tĕch mơ dro chứng khoán ăn mŭk drăm tŏk 12%...

Thuem: Tơ blơ̆