VOV4.Bahnar - Ku\m hăm bơ\ jang ‘lơ\ng tơ drong jang đei pơ jao, dôm sơ năm âu ki, dôm an^h khul linh dêh char Dak Nông oei hơ nơ\ng tơ re\k truh tơ drong choh jang xa, jang tơ gu\m ăn tơ ring jo# hloi găh ato\k tơ iung mu\k drăm, hơ met kơ jăp an^h jang chinh tr^, vei lăng cham char. Vă rim tơ drong jang đei [ô đo#i vang jang adoi io\k đei jơ nei ‘lơ\ng ngăl, vang hơ met kơ jăp đon lui, pơm pơ ‘lơ\ng hlo\h dơ\ng jơ hngâm đon ‘mêm băl đơ\ng linh hăm kon pơ lei.

Ku\m hăm bôl boăl oei chong hơ met ‘ngie\t păng pơ tăm ‘nao vă je# 20 ha bri tơ\ an^h pơ tâp tơ blăh găh xăh Đức Xuyên apu\ng Krông Nô, linh Ngô Quang Nguyên Văn, Kơ dră vei lăng Tiểu đội 3, Tiểu đoàn 301 tơ roi: lơ\m jơ hnơr arih kơ Khul linh kon pơ lei Việt Nam, bri ‘long pring vei [ô đo#i hai, pơ vang hơ yăt hai. Lơ\m chăl ‘nao, bri tôch g^t kăl lơ\m tơ drong vei lăng cham char, pơ jing an^h vă pơ tâp pơ hrăm ăn [ô đo#i. Yoa thoi no\h mưh đei pơ jao năm pơ tăm bri, đe linh tôch hơ iă păng jang tôch tơ năp:

“J^ bơ ngai pơm linh inh hơ nơ\ng băt tơ drong pơ tăm bri tôch g^t kăl vă vei lăng kơ tu đak, cham char, bri brăh, yoa thoi no\h inh băt tơ drong tôch kăl đơ\ng pơ tăm bri. Inh ku\m hăm đe linh tơ\ âu ling lang sơ đơ\ng jơ hngâm, băt hơ dăh tơ drong jang, ling lang jang ke\h rim tơ drong đei pơ jao.”

Dôm năr blu\ng pơ tăm ‘long bri, khul linh tơ [âp lơ mơ mat tat. Tơ ring Đức Xuyên ‘mi ưh kơ jrăh, to\ đunh, te\h kơ ne#, kông te\h tơ mo, trong nơ năm mơ mat tat, hơ tăih kơ tơ ring kon pơ lei oei… Mă lei ưh đei 1 ‘nu kăn [o#, linh yơ ơm, hơ lăh, đ^ đăng vang adrin ho\k pơ hrăm ki thuơ\t pơ tăm.

Sut răh đak pơ uh,  Đại úy Trần Lệ Mỹ, Chính trị viên Đại đội 10, Tiểu đoàn 301 ăn tơ băt: Bơ\ jang tơ drong chong pơ ‘ngoăih ‘ngie\t păng pơ tăm bri sơ năm 2019, khul linh roi tơ băt ăn đ^ đăng kăn [o#, linh băt hơ dăh hơ năp jang, ki thuơ\t pơ tăm bri. Rim khul linh pơm hla ar pơ kăp adrin jang chong pơ ‘ngoăih ‘ngie\t păng pơ tăm bri. Truh dang ei, hăm jơ hngâm đon “ưh ơm kơ to\, ưh [ơ [lo\ kơ ‘mi”, mă oei mât lơ\m pơ yan ‘mi, đei lơ hơ nge\nh, plơm mă lei khul linh oei bơ\ jang tôch ai:

“Đơ\ng ro\ng kơ đei roi tơ băt ăn rim trung đội, tiểu đội pơm hla ar pơ kăp kho\m jang ke\h tơ drong chong hơ met ‘ngie\t păng pơ tăm bri sơ năm 2019. Lơ\m dôm năr âu ki, khul linh pơ gơ\r chong hơ met ‘ngie\t đei hlo\h 20 ha, pơ tăm ‘nao 17,5 ha kiơ\ hơ găt te\h đei An^h jang tơ gu\m, An^h che\p kơ\l pơ gơ\r khul linh pơ jao. Khul kăn [o#, linh lơ\m an^h hơ nơ\ng jang ‘lơ\ng ki luơ\t, pơm sơ đơ\ng đon tơ che\ng, bơ\ jang tro\ ki thuơ\t păng tơ drong hơ găt đơ\ng an^h jang kơ pal pơ jao”

Hăm trong jang băt hơ dăh tơ drong jang, năng kăl tơ drong ‘lơ\ng, pơ tăm ‘long yơ ‘long ‘no\h chăt arih ‘lơ\ng, yak hlo\h dôm tơ drong mơ mat tat, to\ ‘mi kial ưh kơ ‘lơ\ng, kăn [o#, linh An^h che\p kơ\l khul linh dêh char pơ tăm đei dang 500.000 tơm ‘long, hăm hơ găt te\h xă hlo\h 254 ha, lơ\m kơ so# 292 ha te\h đei pơ jao pơ tăm. Truh dang ei, an^h pơ tâp tơ blăh Đức Xuyên hlôi đei pơm jing an^h pơ tâp tơ blăh “3 lơ\m 1”. Lơ\m no\h, tơ drong pơ tăm bri ‘long tơ plih, hơ to\k yơ\p bri đei năng kăl.

Đại tá Trần Thiên Cảnh, Phó Chính ủy An^h che\p kơ\l pơ gơ\r khul linh dêh char Dak Nông, pơ ma hơ dăh: “Lơ\m dôm sơ năm âu ki, khul linh dêh char ako\m pơ jing An^h pơ tâp tơ blăh 3 lơ\m 1. Lơ\m no\h che\ng hơ met jing lơ an^h, ako\m ăn tơ drong pơ tăm bri pơ jing cham char ‘lơ\ng hơ iă tơ\ an^h pơ tâp tơ blăh vă pơ yoa ăn tơ drong pơ tâp păng kơ chăng tơ blăh ku\m nhen lơ\m tơ drong jang [ô đo#i hăm tơ ring vang pơm hơ to\k yơ\p bri tơ\ dêh char.”

Dang ei An^h pơ tâp tơ blăh Đức Xuyên, đei lơ bơ ngai hôn, pơ ư yoa bri ‘long jơk [l^k tôch ‘lơ\ng. Hui bơ ngai băt, adrol ki ‘nâu j^ tơ ring te\h phui phang, tơ nang ko\, te\h tôch kơ ne#. Lơ yơ\p ‘long keo lai, tơ gie\r ưh lăp hơ nhăk ba kơ mâu jơk [l^k, hơ nơ\ng pring vei [ô đo#i đe\ch mă oei jing um rup tơ [ôh ăn jơ hngâm đon adrin đơ\ng đe linh [ô đo#i {ok Hô: tơ drong jang yơ ku\m jang đang, mơ mat tat yơ ku\m yak hlo\h. Kiơ\ đơ\ng no\h pơ jing dơ\ng đon lui ăn kon pơ lei hăm khul linh.

Hoàng Qui: Chih

Dơ\ng: Tơ blơ\