VOV4.Bahnar - Hloh 40 xơnăm adrol ki, đơ\ng ro\ng kơ năr tơring pơbăh đei jơnei keh kong, năr 23/5/1975, Ko\ng ang kon pơlei khul linh Dak Lak (tơm a hla chă kơ khul linh vei xơlam teh Dak Lak) đei tơ iung pơjing hăm tơdrong ako\m ko\ng ang khul linh kơ 2 dêh char Dak Lak, Quảng Đức, atu\m hăm minh [ar kang [o# linh đei pơtruh đơ\ng dôm dêh char groi kông găh tu. Găn ga lơ tơnap tap k[ah k[ôch, dôm xơnăm kơ âu, [ô đo#i vei xơlam teh Dak Lak hlôi jang tơnăp xơnong vei lăng xơlam teh, tơgu\m hơvơn kon pơlei pơjing tơring kjăp vă vei xđơ\ng hơgăt teh, pơjing tơring xơlam xđơ\ng ato\k tơ iung.

Tơ\ tơring xơlam ataih đơ\ng anih tơm kơ dêh char Dak Lak pơhlom 130km, xăh Ia Rvê, apu\ng Ea Súp, đei je# tong ane# kxo# unh hnam hin dơnuh, hăm lơ noh kon pơlei đơ\ng tơring nai truh oei jang xa. Tơring noh xă, trong nơnăm tơnap tap, kon pơlei răh rai, tơdrong hlôh vao pă đei dôm yơ, noh jing dôm tơdrong tơhlăk hăm tơdrong ato\k mu\k drăm tơpôl, vei xđơ\ng tơ\ tơring. Đại úy Trương Văn Hoành, jang Ch^nh tr^ dơnơm tơ\ Anih linh vei xơlam teh Ia Rvê ăn tơbăt, oei jang tơ\ âu, anih linh xkơ\t tơdrong hơto\k hlôh vao ăn kon pơlei jing minh lơ\m dôm xơnong jang kăp g^t tơgop vei xđơ\ng ato\k tơ iung tơring xơlam. Pơih lơ lăm ho\k xut le# ưh kơ băt chư, tơgu\m kon pơlei đơ\ng dôm tơdrong jang ie\ ioch rim kơ năr, khul linh vei xơlam teh hlôi đei kon pơlei lui yom tơguăt ‘mêm băt. Gơnơm thoi noh, dôm xơnăm kơ âu trong xơlam teh Ia Rvê ưh kơ đei tơdrong chă kơdâu glăi găn xơlam teh đak. Đại úy Trương Văn Hoành xkơ\t: Nhôn jang kjăp hăm jơnu\m pơgơ\r tơring hơlen păng ako\m dôm um ru\p jang tơgu\m kon pơlei ato\k mu\k drăm joh ayo\ tơpôl, nhen pơih dôm lăm ho\k xut le# ưh kơ băt chư, tơle\ch tơdrong chă rong rơmo, đang kơ noh pơtho găh kih thuơ\t rong kon tơrong choh pơtăm ăn kon pơlei chă rơih hơdre\ch ‘long pơtăm kon yo\ng mă tro\ [lep hăm hơgăt teh hơyuh to# ‘mi tơ\ tơring, atu\m hăm noh jang tơnăp tơdrong chă apinh jet gia hơlêm dôm unh hnam mă teh đak tơchơ\t tơgu\m, unh hnam hin dơnuh rim ‘măng tết, lêh truh. Lơ\m tơdrong jang rim kơ năr, mă hăt noh tơdrong jang hơdăh kơ rim unh hnam noh nhôn tơgu\m kơtă păng tơguăt hăm tơdrong chă pơtho kơluơ\t teh đak... tơgop tơgu\m kon pơlei xđơ\ng pơm jang tơguăt kjăp hăm tơring xơlam, atu\m hăm [ô đo#i vei xơlam teh tơ\ tơring vang vei xđơ\ng ch^nh tr^, xđơ\ng tơpôl, tơgop pơjing anih dơ\ng kjăp tơ\ tơring xơlam roi năr roi pran kơtang hloh.

Anih linh vei xơlam teh Đá Bằng, anih mă hlôi đei ư ang lơ\m hnưr erih tơblăh vei lăng xơlam teh tơring pơmơ\t pơbăh ăh xơnăm 1979. Tơmo man tơbăt chih hơnăn 9 ‘nu linh lôch plang tơ\ tơring teh âu jing tơdrong bơ\ng pang ăn dôm tơdrong tơblăh nuih mơng vă vei lăng rim hơgăt teh kăp g^t kơ teh đak. Che\p vei tơdrong juăt jue nuih mơng, tơle\ch hrơ\p minh ‘măng lơ trong jang tơ\ tơring xơlam. hơlen konbngai păng gre vih vơ\t mơ\t le\ch tơ\ tơring, anih linh vei lăng tơnăp jăl trong xơlam, păng [ôh băt rôp vei 2 ‘măng chơ glăi ma tuy\. 3 xơnăm kơ âu, anih linh Đá Bằng đei minh xơnong jang ‘nao noh hơlen tơdrong mơ\t le\ch kơtơmoi tơ\ ‘măng xơlam Dak Ruê ‘nao đei pơih. Hăm tơdrong pơkăl đơ\ng tơdrong jang ‘nao, mă hăt noh tơdrong kăl vih vơ\t hơnơ\ng đơ\ng kon pơlei apu\ng Ea Súp (Việt Nam) păng apu\ng Cô-Nhét (Cam-pu-chia) yuơ đei ‘nho\ng oh tơre\k dih băl găh âu găh to, Đại úy Lưu Minh Hưng, jang pho\ Ch^nh tr^ tơ\ anih linh vei xơlam teh Đá Bằng, dang ei noh anih linh vei xđơ\ng ‘măng xơlam Dak Ruê ăn tơbăt: Anih linh nhôn pơtho hơdăh ăn tôm kang [o# linh băt găh trong jang tơbôl, tơdrong pơkăp jang tơbôl đơ\ng Đảng, teh đak bơ\n, păng tơdrong io\k xơnong jang noh athei pơm trong hiôk ăn kon pơlei gơh vih vơ\t năm apong ‘nho\ng oh 2 păh, vei xđơ\ng [lep tơchơ\t đơ\ng kơluơ\t teh đak păng tơbang đon bơnôht ơguăt tơguăl tơbôl đơ\ng kon pơlei 2 păh tơ\ tơring xơlam teh.

Jang kiơ\ pơkăp tơbôl, janga tu\m hăm khul linh kơ teh đak Cam-pu-chia, noh duh jing xơnong jang mă [ô đo#i vei xơlam teh Dak Lak hlôi keh đang tơnăp vă vei xđơ\ng rơngei hiôk hian, ato\k tơ iung tơ\ tơring xơlam. Trung tá Nguyễn Xuân Chiến, Kdră anih linh vei xơlam teh Bo Heng ăn tơbăt, tơje# hăm tơdrong hop ako\m pơjao jang kiơ\ xkơ\t hăm rim khul linh kơ teh đak boăl, anih linh oei hơnơ\ng jang atu\m chă hơlen 2 păh vă vei xđơ\ng xơlam teh, choh chong rơgoh trong xơlam, hơmet ming anih jrăng [u\ xkơ\t xơlam, jang đei jơnei tơdrong tang găn păng tơjră kơdâu glăi găn xơlam teh. Trung tá Nguyễn Xuân Chiến ăn tơbăt: Yuơ tơdrong erih mu\k drăm kơ teh đak boăl oei tơnap, noh anih linh nhôn hơnơ\ng tơgu\m boăl găh tơmam xo\ng xa, pơgang hơmet j^... Găh tơdrong hơmet j^ mă blu\ng khul thây pơgang linh nhôn hơnơ\ng chă axong pơgang, khăm hơmet j^ ăn kơ găh boăl, mưh j^ hlăm noh gô tơroi ăn kdră kpal vă ‘nhăk boăl năm hơmet tơ\ hnam pơgang tơm; jo# hơlen rim xơnăm vă je# 30 triu hlak jên. Yuơ noh tơdrong jang atu\m roi năr roi tơguăt păng lui ngeh dih băl hloh.

Đại tá Nguyễn Lương Hòa, jang Kdră anih pơgơ\r linh vei xơlam teh Dak Lak, ăn tơbăt, hăm trong pơkăp “anih linh noh hnam, xơlam teh noh pơlei pơla, kon pơlei kon kông noh ‘nho\ng kơtơh”, [ô đo#i vei xơlam teh hlôi hăt hot pơjing anih jang, tơguăt hăm hơmet anih jang ch^nh tr^, ato\k tơ iung mu\k drăm tơpôl, tơgop hơto\k hlôh vao ăn kon pơlei vă hơto\k tơdrong erih ăn kon pơlei tơring xơlam. Lơ\m 4 xơnăm kơ âu, anih linh vei xơlam teh Dak Lak hlôi pơih 3 lăm ho\k xut le# ưh kơ băt chư ăn kon pơlei tơ\ tơring xơlam, khăm axong pơgang hơmet j^ ưh kơ io\k jên ăn vă je# 10 rơbâu ‘nu bngai, ming man dôm j^t tơdrong ming man pơyua ăn kon pơlei, păng pôk pơjao ăn kơ hre\ng to\ hnam ăn unh hnam tơnap tap tơ\ dôm xăh xơlam teh. Tơje# hăm tơdrong hơto\k pơtruh kang [o# đảng viên vih ako\m tơ\ tơring, khul linh vei xơlam teh hlôi tơguăt kjăp hăm kon pơlei, jang kjăp xơnong jang tôm kon pơlei vei xđơ\ng xơlam teh, pơjing tơring xơlam rơngei hiôk hian xđơ\ng ato\k tơ iung.

Lan chih păng rapor