VOV4.Bahnar - Tơ ring kon pơ lei oei kơ so# 8, găh xăh Đăk Rmăng, apu\ng Đăk Glong, de#h char Dak Nông ‘no\h j^ hơ n^h ư\h kơ măh đ^ đăng bơ\n an^h jang kăl nhen u\nh điên, trong nơ năm, hnam trưng ho\k, hnam ơ gang xăh păng hơ yu\h điên thoăi. Kơ [ôch thoi no\h, tơ\ âu oei đei 2 ‘nu thây kô pơ tho sơ năm mơ lo#h iung jang tơ gu\m oei kơ tă tơ\ pơ lei pơ tho ho\k.

Mư\h rim pơ gê hro#ih, [ơ\t kon dro\ kăn 3 sơ năm to\k bo\k tep n^t, kô pơ tho Vàng Thị Chim hlôi iung đơ\ng tep vă băm 10km tru\h tơ\ hnam trưng ho\k jăl 1  La Văn Cầu, tơ\ tơ ring kon pơ lei oei kơ so# 8, xăh Đăk Rmang. M^nh puăt jăl trong kô hăm gre hon đa chă pơm ming kơ d^h oei gơ\h kơ dâu kle\ch trong tơ se\r hlu\t [e\nh pu\ng lu\ng. Mă lei 1 puăt uơ oei dơ\ng, kô măh hu\t gre năm jơ\ng ho\h đe\ch. Kô pơ tho Vàng Thị Chim tơ băt, tơ drong ‘lơ\ng vă ^nh hơ drin yak hlo\h trong hơ tăih, yak hlo\h mơ mat pơ tho ho\k ‘no\h j^ yua kơ đe o\h ho\k tro. Dôm đe hơ io\h to\k bo\k sơ năm so\ng sa t^h vơ\ ku\m iung đơ\ng hro#ih, năm jơ\ng ho\h kơ te\ch j^t kilômet tru\h tơ\ hnam trưng: “ Ho\k tro tơ\ âu ư\h kơ gơ\h nơ\r yuăn kơ na lơ\m kơ plăh pơ tho ho\k tro đe sư mơ\ng ư\h kơ gan hlo#h. &nh athei pơ ma răh nơ\r yuăn pơ ma răh nơ\r Mông vă tơ blang ăn kơ ho\k tro hlo#h. Mơ mat tat dơ\ng ‘no\h j^ ho\k tro tơ\ âu ako\m đơ\ng dôm tơ ring kơ na trong năm tơ\ hnam trưng mơ mat. Ho\k tro tơ\ âu ku\m ư\h kơ đei ho\k lăm mẫu giáo kơ na tơ drong ho\k [ai đơ\ng đe o\h ku\m hiơ\ [iơ\ pơ têng hăm ho\k tro tơ\ pơ lei tơm.’”

Vă kơ tom tru\h tơ\ hnam trưng, kô pơ tho Vàng Thị Chim hlôi măh năm tơ\ hnam trưng đơ\ng hro#ih

‘Ngoăih kơ kô Vàng Thị Chim oei đei [ok thây Lý Văn Là, 25 sơ năm, hlôi đei u\nh om păng đei kon ‘lơ\p tơ\ pơ lei, mă lei thây Là oei năm tơ\ âu vă pơ tho ho\k. Mơ nat kơ thây ư\h kơ đei an^h oei sa, 1 u\nh hnam kon pơ lei lơ\m tơ ring kon pơ lei oei kơ so# 8 hlôi pai sa păng ăn thây [^ch tep pơ dơ\h pơ gia tơ\ hnam. Thây Là ư\h kơ tơ le\ch tơ drong hơ găt gô pơ tho đei dôm ho\k tro ho\k gơ\h hơ gei, lăp ‘me\h đơ\ng ro\ng âu kơnh mư\h pơ tôch ho\k lăm 1 đe mon gơ\h đo\k, gơ\h ch^h, gơ\h nơ\r yuăn păng pơ\n pơ ma dơ nu\h ‘no\h hoei bơ\ih: “ Hnam nhôn oei tơ\ hơ tăih, tă tơ\ Hà Giang, [ơ\t năm tơ\ Dak Nông pơ tho ho\k ‘no\h u\nh hnam j^ me\ [a\, kon hơ kăn kơ tơ\ng ‘no\h ku\m sơ ‘ngon păng bơ ngơ\t mơ\n, mă lei u\nh hnam oei tơ gu\m ^nh. Ku\m đei [o#h đơ\ng mơ mat tat đơ\ng kơ d^h kâu, [ơ\t oei ‘lơ\p năm ho\k tơ\ tơ ring groi kông ‘no\h trong ku\m mơ mat kơ năm kơ na ^nh ku\m ‘me\h pơ tho chư ăn kơ đe o\h, đe mon đei hlo#h vao ăn kơ d^h kâu vă gơ\h đei nhen dôm bôl buăl dang ăi sơ năm.”

{ok thây Lý Văn Là pơ tho ho\k tro pơ hrăm đo\k

Hnam trưng ho\k jăl 1 La Văn Cầu đei 2 lăm, hăm hlo\h 60 ‘nu ho\k tro. Đ^ đăng ho\k tro tơ\ âu ‘no\h kon o\h bơ ngai Mông, ar^h sa tơ\ dôm tơ ring kon pơ oei xăh Đăk R`măng. Đơ\ng năr đei hnam trưng ‘nao, me\ [a\ ho\k tro tơ\ âu tơ pl^h yua kơ iung đơ\ng hro#ih năm tơ\ mir ro\h ‘no\h bu bu ku\m hơ drin ‘măn jơ tơ\ pơ gê păng kơ sơ\ năm ba tru\h tơ\ hnam trưng păng io\k bro\k. Dơ\ng tơ\ ‘ngoăih lăng kon ho\k lơ\m lăm, Thào A Thay – m^nh 1 ‘nu [a\ ho\k tro nhen roi [o#h mơ nat kơ đe thây kô pơ tho păng ho\k tro: “ Đe thây kô năm tơ\ âu ‘no\h ku\m tôch kơ mơ mat tat yua kơ trong nơ năm tôch kơ ne#, tru\h pơ yan ‘mi trong tôch kơ tơ se\r păng hlu\t. Mă lei ^nh ku\m tôch kơ chhôk [ơ\t đe thây kô năm jang tơ gu\m mơ\t âu pơ tho ho\k, kơ na ku\m bơ nê kơ thây kô pơ tho lơ de#h. Hơ me\ng đơ\ng ro\ng âu kơnh te\h đak gô hơ met ming păng pơm ‘nao dôm jăl trong ‘lơ\ng hlo\h [iơ\ vă năm v^h vơ\t [ônh [o\ [iơ\.”

Hnam trưng ho\k jăl 1 La Văn Cầu hăm pơm 4 lăm ho\k ‘no\h j^ hơ n^h kơ hlo\h 60 ho\k tro ‘no\h j^ bơ ngai Mông to\k bo\k kiơ\ ho\k

{ok thầy Lý Seo Chá, Pho\ kơ dră che\p kơ\l Hnam trưng ho\k jăl 1 La Văn Cầu, xăh Đăk Rmăng, apu\ng Đăk Glong tơ băt: tơ ring kon pơ lei oei kơ so# 8 hơ dro\l sơ\ ư\h kơ đei hnam trưng ho\k. Tru\h sơ năm 2019 rim bơ ngai đei jơ hngơ\m đon ‘mêm mơ nat mă chă tơ gop man asong 4 lăm ho\k, kơ na hnam trưng yua pơm hơ n^h vă pơ tho ăn kơ hơ io\h tơ\ tơ ring 8 păng 3 tơ ring kon pơ lei oei jum dăr. Pơ tho ho\k tơ\ âu, pơ đ^ thây Lý Văn Là păng kô Vàng Thị Chim tă kơ năm iung jang tơ gu\m ngăl, tam mă đei sa jên khei. Khu\l kơ dră che\p kơ\l hnam trưng ho\k jăl 1 La Văn Cầu to\k bo\k hơ vơn đ^ đăng thây kô vang tơ gu\m ăn kơ đe thây kô oei kơ tă tơ\ pơ lei tôch ai: “ {ơ\t măt, vei sơ đơ\ng tơ drong ar^h sa kơ thây kô pơ tho tơ\ tơ ring 8 ‘no\h ko\ng đoan jang hơ dai hăm hnam trưng hơ met ăn kơ 2 ‘nu thây kô đei hơ n^h oei sa pơ dơ\h. {ơ\t măt ‘no\h athei gơ nang kơ kon pơ lei tơ gu\m vă thây kô sơ đơ\ng, hnam trưng ku\m hăm rim thây kô pơ tho păng rim bơ ngai jang ko\ng đoan kơ hnam trưng gô hơ met ăn tơ drong oei sa bơ\ jang ăn kơ 2 ‘nu thây kô tơ\ tơ ring 8 âu.”

Đei lơ tơ drong tơm pơm ăn 2 ‘nu thây kô pơ tho sơ năm mơ lo#h oei kơ tă lơ\m pơ lei pơ tho ho\k, mă lei ro\ lăng tơ drong ‘lơ\ng t^h hlo\h đơ\ng bre sư đei [o#h đơ\ng tơ drong ‘mêm mơ nat hăm sơ năm oei ‘lơ\p gle\h hrat, mơ mat tat đơ\ng ho\k tro. Đang kơ ‘no\h, dôm đe hơ io\h dơ nu\h hin gô gơ\h nơ\r yuăn, gô đei pơ tho tơ drong hlo#h vao păng hlo\h kơ ‘no\h dơ\ng gô hơ to\k tơ drong hơ pơi ‘me\h tơ\ hơ năp kơnh ‘lơ\ng hơ iă hlo\h.

Hoàng Qui: Ch^h

Thuem: Tơ blơ\