VOV4.Bahnar  – Tơ\ 'măng pơtơm hop ako\m mă 11, Kuôk ho#i jăl 14, [ok Tổng Bí thư – Kơdră teh đak bơ\n Nguyễn Phú Trọng hlôi tơbang tơdrong pơkăp kơ jăl jang 2016-2021 kơ [ok Kơdră teh đak adrol. Minh lơ\m dôm xơnong jang kơ jăl jang âu ki noh keh đang lơ tơdrong axong bơngai jang kơ Teh đak. Kơdră teh đak hlôi k^ pơkăp pôk 5 pho\  thủ tướng, 21 [o# trưởng păng dôm bơngai jang nai kơ Khul kơpal teh đak jăl jang 2016-2021.

            {ok Tổng Bí thư, Kơdră teh đak Nguyễn Phú Trọng hlôi đei lơ tơdrong jang tơbôl kăp g^t, vei xơđơ\ng tơdrong pơgơ\r kơdih kơ teh đak, hơto\k anih dơ\ng păng đon lui đơ\ng Việt Nam lơ\m tơring păng lơ\m kơpal teh. {ok Tổng Bí thư, Kơdră teh đak Nguyễn Phú Trọng ră hơdăh, tơdrong tơ iung pran găh đon băt 'mêm kơ teh đak, tơdrong kơ 'nôh đơ\ng kon pơlei, jơhngơ\m pran tơguăt tơguăl kon pơlei păng tơdrong hơpơi hơto\k tơ iung kơ teh đak pơdro\ng jơnap, jing [ai ho\k kăp g^t hloh. Khei năr truh, kăl pơtoi pơih xă, hơto\k tơdrong tơbôl, pơjing tơdrong lui ngeh xơđơ\ng ch^nh tr^, xơđơ\ng kơjăp hăm dôm teh đak đe vang jang; xek tơlang tro\ [lep đei jơnei tơnăp tơbôl hăm dôm teh đak tơje#, rim teh đak pran, dôm teh đak vang jang tôm tơdrong păng pơtoi vei xơđơ\ng rơngei hiôk hian vă hơto\k tơ iung teh đak.

Lan chih păng rapor