VOV4.Bahnar - Kơ sơ̆ 23/9, tơ̆ Anih jang kơ Anih tơm jang tơ bôl, Phŏ Kơ dră tơm jang tơ bôl Phạm Quang Hiệu dơ̆ng lăng lêh sơng iŏk jên tơ gŭm đei kơ jă 300.000 USD yoa Bơ ngai tang măt ăn tĕh đak Oman tơ̆ Hà Nội, dơ̆ng tang ăn Khul kơ dră tĕh đak păng kon pơ lei Oman, pơ jao ăn bơ ngai tang măt ăn Anih Trung ương Mặt trận Tổ quốc Việt Nam vă tơ gŭm ăn kon pơ lei tơ̆ 1,2 dêh char tơ̆ tơ ring Tŏk bŏk Việt Nam pŭ răm đơ̆ng ‘mi tih đak lơ̆p khei ‘năr âu ki.

Pơ ma lơ̆m jơ pơm lêh, Bơ ngai tang măt ăn Mặt trận Tổ quốc Việt Nam bơ nê tơ drong tơ gŭm tôch ‘lơ̆ng đơ̆ng Khul kơ dră tĕh đak păng kon pơ lei Oman, ăn tơ băt gô hơ nhăk jên tơ gŭm âu gơih ăn dôm tơ ring vă tơ gŭm man hnam ăn dôm unh hnam hiong răm lơ lơ̆m tơ ring răm kơ đak lơ̆p vă jăh pơm sơ đơ̆ng tơ drong arih ăn kon pơ lei tơ̆ âu.

Dơ̆ng: Tơ blơ̆