VOV4.Bahnar - Đơ\ng ro\ng kơ dơnâu đak hnam kmăi unh hơyuh Sơn La đei bơ\t thong đak krong hăm dơnâu tih xă. Kon pơlei dôm xăh tơ\ tơring dơnâu đak hlôi jang tơdrong jang ‘nao, noh jing tơdrong rôp ka păng rong ka hơdang tơ\ dơnâu đak pơm tơle\ch unh hơyuh. Păng lơ unh hnam tơ\ âu gơh pơm pơdro\ng hăm tơdrong jang âu.

Jing apu\ng hin dơnuh, teh na ưh kơ đei lơ, choh jang xa mă lơ noh tơ\ mir kông, teh kông krang hang nak, gơnơm lơ\m ‘mi kial cham char đe\ch, noh tơdrong erih kon pơlei kon kông tơ\ Quỳnh Nhai oei [ôh lơ tơnap tap. Vă hơto\k tơdrong erih ăn kon pơlei, Anih jang Đảng, Jơnu\m pơgơ\r apu\ng hlôi xkơ\t : atu\m hăm tơdrong ato\k choh pơtăm, rong kon tơrong, apu\ng gô io\k dơnâu đak pơm tơle\ch unh hơyuh Sơn La tih xă vă ato\k tơdrong jang rôp păng rong ka hơdang lơ\m hơdrau.

Xơnăm 2010, Jơnu\m jang ka mă blu\ng đei tơ iung pơjing tơ\ xăh Chiềng Bằng, apu\ng Quỳnh Nhai hăm 18 ‘nu vang jang. Mă blu\ng, dôm bngai jang hlôi kơdih tơgop jơhngơ\m, jên jang vă bơ\ hơdrau rong ka lơ\m dơnâu đak hnam kmăi unh hơyuh. 20 to\ hơdrau rong ka kiơ\ xkơ\t kih thuơ\t, rim hơdrau ka tih 10m3, rong pơhlom 50 kg ka trắm, ka chép yo\ng. ‘Ngoaih kơ tơmam xa noh ‘nhe\t, bngai rong adoi yua dôm hơdru\ng ie\ vă ‘măn tơmam xa ăn kơ ka rong lơ\m hơdrau. Đơ\ng ro\ng 8 khei rong, rim hơdrau đei je# 3 tă minh puơ\t, đei yua hloh 20 triu hlak jên, ưh kơ jo# jên hoach jang noh oei đei cheh truh 16 triu hlak jên. Tơdrong đei yua găh mu\k drăm [ôh hơdăh, lơ unh hnam kon pơlei tơ\ Chiềng Bằng, lui ngeh axong jang hăm tơdrong jang ‘nao.

{ok Tòng Văn Yên, Kdră Jơnu\m bngai jang mir xăh Chiềng Bằng vih hơdơ\r kơ khei năr blu\ng hơvơn unh hnam kon pơlei vang jang rong ka lơ\m hơdrau, minh tơdrong jang tam mă lai yơ kon pơlei kơche\ng gơh jang, kơlih đơ\ng xơ\ kon pơlei tơ\ âu adro# juăt hăm tơdrong jang mir na, pơtăm [a : Mă blu\ng noh kon pơlei tam mă juăt noh oei pơngơ\t kơ đon, noh kăl athei ho\k hơlen kiơ\ tơdrong pơtho đơ\ng anih pơtru\t choh jang xa lơ hloh, đơ\ng ro\ng đei ho\k bơih noh duh juăt mơ\n. Tơdrong chă hơlen hơmet tơnap tap, băt trong rong ka, ăn ka xa thoi yơ.  

{ok Lò Văn Khặn, oei tơ\ pơlei Co Trăm, xăh Chiềng Bằng đei rơih jing minh lơ\m dôm unh hnam jang adrol. Mă blu\ng, [ôk axong rong 4 hơdrau ka trắm cỏ păng ka chép, đei io\k yua 3,2 tấn/xơnăm, te\ch đei hloh 185 triu hlak jên. Dang ei, [ok hlôi pơih xă um ru\p rong ka păng rong lơ hơdre\ch ka nai tro\ [lep hăm tơring dơnâu đak: Dang ei hnam inh đei 12 hơdrau ka, rong ka lăng, ka nheo, ka trắm, ka chép rim kơloăi 5 rơbâu to\. Tơmam xa ăn kơ ka mă tơm noh ka ie\, hơdang. 3 jơ pơgê noh athei dui hơdru\ng rôp ka ie\, rim năr axong xa đơ\ng 50 truh 70 k^, vă chă ka ie\ ăn ka rong xa.   

          Đơ\ng ro\ng vă je# 8 xơnăm tơguăt hăm tơdrong jang rong ka lơ\m hơdrau, [ok Khặn tơroi găh tơdrong hlôh vao po lơ\m tơdrong rong ka: Ăh ‘nao jang noh tơnap tap, ưh kơ đei hlôh vai mă lei đơ\ng 2 truh 3 xơnăm noh băt bơih. Tơdrong hlôh vao lơ\m rong ka noh athei băt hơlen pơrang hăm ka, mă hăt noh hăm ka nheo, hăp mă tơ hlơ\t hơkar to\ xe\t đe\ch noh lôch hloi. Hơdrau hrăt noh hơnơ\ng kơ tơtu\l tơhlơ\t hơkar, yuơ đe hăp chă pơkăp dih băl.

Hăm bngai jang mir groi kong mă hlôi juăt hăm tơdrong jang mir kông, dang ei tơplih jang rong ka kiơ\ trong pơm tơle\ch tơmam drăm te\ch răt nhen le\ minh tơdrong jang tơnap hloh păng ưh kơ x^ lai yơ duh hiôk hian ôh. Tơdrong hiôk đơ\ng tơdrong rong ka lơ\m hơdrau tơ\ dơnâu đak âu noh hăp đei lơ tơmam xa ăn kơ ka. Hơyuh ô xi, đo# PH lơ\m đak adoi [lep ăn lơ hơdre\ch ka to\k pran tơ\ dôm tăl đak. Yuơ noh, ka rong lơ\m hơdrau tenh vơ\ tih. Mă lei, rong ka lơ\m hơdrau tơ\ dơnâu đak pơm tơle\ch unh hơyuh Sơn La păng tơ\ đak krong Đà pơkăl hlôh vao găh trong đak rong, mưh ưh noh ưh kơ xa ôh. {ai ho\k tơ\ xăh Chiềng Ơn noh jing minh tơdrong pơtih.  

Hơp tak xăh rong ka xăh Chiềng Ơn đei tơ iung pơjing ăh xơnăm 2013, hăm 10 ‘nu vang jang. Yă Điêu Quỳnh Nga, pho\ kdră Anih vei lăng kon pơlei xăh Chiềng Ơn ăn tơbăt, kơdih po yă păng kang [o# xăh athei năm hơvơn, pơtru\t hơnơ\ng noh pơtơm đei 10 unh hnam chih măt vang jang. Mă lei ăh mơ\t jang đei 8 khei, ka trăp je# 2 kg rim to\, hơmet vă te\ch noh ‘mi kial ăh xơnăm 2013 pơm hiong răm pơđ^: Mă dơnâu đak noh xđơ\ng mă lei đak mo\ng tơ\ klo\ng ro jăng, ăh đei rơnglă poh yă noh pơm hyah đ^ hơdrau ka, kon pơlei hiong pơgoh, bngai jang lơ\m hơp tak xăh păng Kdră Hơp tak xăh adro# băt dơ\ng lăng păng jơ jrơ\k le\ch đak măt đe\ch.

Tam mă hlôh vao hơdăh noh hiôk kơ băt, mă lei noh duh jing [ai ho\k kăp g^t kăl kơ hơlen băt: {ai ho\k tơ\ âu noh ăh rong ka lơ\m hơdrau ba tam mă jo# truh tơdrong răm, ưh kơ đei pơgăn adrol, dang ei dôm bngai vang jang duh oei chă anih xđơ\ng kơ kial, đak ro xđơ\ng vă bơ\ hơdrau rong ka dơ\ng.

Lan chih păng rapor