VOV4.Bahnar - Đơ\ng xơnăm 2011 Thủ tướng teh đak bơ\n pơkăp trong jang adro# hăm bngai mă kon pơlei lui yom lơ\m pơlei pơla bngai kon kông hăm dôm tơdrong pơkăp hơdăh, tơdrong mă âu ăn [ôh Đảng păng jơnu\m pơgơ\r teh đak bơ\n pơkăl xơnong jang kơ bngai mă đei kon pơlei lui yom lơ\m tơdrong tơ iung pơjing păng vei lăng teh đak. Tơ\ Dak Nông vă je# 300 ‘nu bngai mă kon pơlei lui yom hlôi jang tơnăp xơnong jang po noh tơroh trong pơkăp jang đơ\ng Đảng păng kơluơ\t teh đak truh hăm tơpôl bngai kon kông gơh tenh păng đei jơnei kjăp hloh.

{ok K’Bi oei tơ\ xăh Dak Nia, th^ xăh Gia Nghĩa, dêh char Dak Nông jang răh kdră jơnu\m bngai xơnăm ‘lo\ xăh Dak Nia, jang răh kră pơlei Bu Sop. Lơ xơnăm kơ âu, [ok hơnơ\ng yuk trong hơlâu lơ\m tơdrong jang ato\k mu\k drăm păng xut le# pơngot tơjur hin dơnuh, adrin chă io\k yua khoa ho\k kih thuơ\t lơ\m tơdrong pơtăm cà phê păng tiu, rim xơnăm [ok K’Bi jang đei io\k yua kơ hre\ng triu hlak jên. Ưh kơ kăl pơma lơ pơm kiơ, mu\k drăm unh hnam [ok ato\k lơ noh kon pơlei jang kiơ\. {ok K’Bi oei truh rim unh hnam vă hơvơn kon pơlei tơjră hăm dôm tơdrong pơm kne# lơ\m tơpôl, pơjing tơdrong erih ‘nao, vei răk tơ[ăk mong joh ayo\ kon kông po, vang jang lơ\m jơnu\m pơ rơngei pơlei pơla, kơtă vang xek tơlăng dôm tơdrong tơh^l đei [ôh lơ\m tơpôl kon pơlei. {ôh hơdăh tơdrong jang tơnăp đơ\ng [ok kră pơlei K’Bi hăm pơlei, noh lơ ‘măng khul kne# chă pơchu\t pơdôr, vă tơklăh chere tơdrong tơguăt tơguăl hdrung hdre\ch. Mă lei kjăp nhen ‘long tơnơ\ng tơm tơngia ăh tong ane# pơlei pơla păng bri kông Tây Nguyên, [ok K’Bi tơroi: Xơnăm 1989 đei hla bar krao năm tơ\ teh đak đe kiơ\ xkơ\t HO mă lei inh ưh kơ vă năm ôh, kơlih [ôh pơlei pơla inh oei guăng ‘lơ\ng, oei gơh jang dang oei đei teh, oei mih ma duch nă, inh [ôh năm tơ\ teh đak đe noh tơring đe inh ưh kơ ke\ erih ôh noh inh xkơ\t oei erih tơ\ pơlei pơla.

Jing kdră jơnu\m jang găh bngai xơnăm ‘lo\ xăh Dak Rơ Tih, apu\ng Tuy Đức, Dak Nông,  xơ\ pơtho tơ\ hnam trưng jăl kơđeh, [ok Điểu Nơi duh đei jơnu\m pơgơ\r tơring lui yom păng kon pơlei băt ‘mêm kơlih tơdrong yuk trong hơlâu lơ\m rim tơdrong jang pơlong băt ‘mêm kơ teh đak. Unh hnam [ok jing minh lơ\m dôm unh hnam yuk trong hơlâu chă pơtăm kxu kiơ\ pơgar păng io\k yua khoa ho\k kih thuơ\t rơgei lơ\m choh pơtăm noh pơgar unh hnam [ok hơnơ\ng đei io\k yua lơ hloh. Ăh khei năr kxu đei kjămkăp, noh rim năr unh hnam [ok te\ch đei 1 triu hlak jên. {ok hơnơ\ng chă tơroi găh tơdrong hlôh vao lơ\m pơm jang vă hơvơn kon pơlei Mnông adrin pơm jang hloh. Atu\m hăm noh hơvơn tơroi trong jang đơ\ng đảng kơluơ\t teh đak truh hăm kon pơlei lơ\m xăh. Tơdrong tơgăl kơ pơma noh đơ\ng kih thuơ\t kôih kơtăk kxu truh dôm trong jang tih kơ đảng adoi đei [ok tơroi ăn kon pơlei kiơ\ trong tơje# hiôk hloh vao hloh. {ok Điểu Nơi, xăh Dak Rơ Tih, apu\ng Tuy Đức tơroi tơdrong hlôh vao po vă chă hơvơn kon pơlei: Rim ‘măng năm truh dôm pơlei pơla noh ba athei io\k răh kơluơ\t pơkăp đơ\ng Đảng teh đak đang kơ noh tơblơ\ đơ\ng nơ\r Yuăn jing nơ\r kon kông vă tơroi ăn kon pơlei [ônh vao hloh, mưh ba đo\k nhen nơ\r Yuăn hloi noh yă [ok kră adrol ki ưh kơ băt pơma nơ\r Yuăn noh tơnap kơ vao. Hăm tơdrong juăt jang inh [ôh ba tơroi răh nơ\r Yuăn păng nơ\r kon kông vă tơroi găh trong pơkăp jang đơ\ng Đảng, kon pơlei hiôk hlôh vao hloh.

Dôm năr kơ âu, hơyuh tơngie\t mă lei [ok Điểu Đắt, pho\ kdră pơlei Bu Prăng 1, xăh Quãng Trực, apu\ng Tuy Đức duh oei atu\m hăm kon pơlei pơl^ băl choh ‘nhe\t lơ\m pơgar ‘long mắc ca hăt hot dêh. Jang răh, [ok atu\m hăm hơdruh tơdăm pơđăp pơjing khul kơdăh [ơlo\ng kơ pơlei, [ok băt chă ako\m jơhngơ\m pran đơ\ng tơpôl, kơhret tơdrong tơguăt tơguăl hăm dôm tơdrong jang hmă păng duh gơnơm đơ\ng noh mă [ok atu\m hăm khul linh vei xơlam teh kơ tơring hlôi hơvơn đei 28 unh hnam kon pơlei le\ch đơ\ng pơlei xo năm truh oei tơ\ pơlei Bu Prăng 1 erih jang xa.

Đei teh đak pơjao ăn teh păng pơgar mắc ca, [ok hơvơn kon pơlei xđơ\ng pơm jang, adrin jang vă xut le# pơngot tơjur hin dơnuh, [ok oei tơgu\m khul linh vei xơlam teh hơvơn kon pơlei atu\m vang vei lăng xơlam teh. {ok Điểu Đắt pho\ kdră pơlei Bu Prăng 1, xăh Quãng Trực, apu\ng Tuy Đức ăn tơbăt: Anih linh tơje# hloh noh anih linh vei xơlam kxo# 10 pơm jang tơ\ pơlei, pơlei duh jang atu\m hăm kang [o# tơle\ch jang kiơ\ tơdrong jang kơ anih linh tơre\k pơtho kon pơlei atu\m vei vêr xơlam teh kjăp xđơ\ng tơring teh kơ teh đak.

Xkơ\t xơnong jang kăp g^t đơ\ng dôm [ok kră pơlei lơ\m tơpôl bngai kon kông Tây Nguyên, khei năr âu ki dêh char Dak Nông hlôi axong hloh 1 tih 500 triu hlak jên vă jang kiơ\ tơchơ\t tơgu\m hăm bngai mă kon pơlei lui yom nhen tơroi găh trong jang đơ\ng Đảng, kơluơ\t teh đak; tơpôl păng xơnong jang mu\k drăm tơpôl vei xđơ\ng tơ\ tơring, ako\m chă năm apong ăn tơmam, tơtom chă hơlêm kră pơlei, kdră pơlei lơ\m tơpôl kon pơlei lơ\m năr lêh tết. Mă g^t noh lơ\m xơnăm 2014, dêh char Dak Nông hlôi pơgơ\r keh kong tơdrong hop ako\m bngai tang măt ăn hdrung kon kông ‘măng mă 2, kiơ\ đơ\ng noh pôk hơpăh hăm dôm tơdrong tơgop đơ\ng kon pơlei kon kông lơ\m tơdrong tơ iung pơjing păng vei lăng teh đak lơ\m noh xkơ\t xơnong jang tih tên đơ\ng bngai mă đei kon lui yom lơ\m tơpôl.

Hăm tơdrong tơre\k tơgu\m đơ\ng đảng păng teh đak vă dôm bngai đei kon pơlei lui yom pơtoi che\p vei tơdrong pran, tơgop kơ\l ‘ngok rơgei duh nhen tơdrong hlôh vao po lơ\m tơdrong tơ iung pơjing păng vei lăng teh đak. (Lan tơblơ\ nơ\r Bahnar)