VOV4.Bahnar – Hăm tơdrong hơbuh hli đơ̆ng pơrang jĭ, dêh char Đăk Lăk hlôi pơjing Hnam pơgang tơdăng kơsô̆ 2 (hăm 1.500 tŏ giơng hơmet jĭ, đei pơkăp ăh Hnam trưng Chĭnh trĭ Đăk Lăk, kơsô̆ 1 Nguyễn Lương Bằng, phương Tân Hoà, plei tơm Buôn Ma Thuột) vă hơmet jĭ ăn dôm bơngai ƀơm pơrang jĭ Covid-19.

Vei xơđơ̆ng ăn hnam pơgang tenh kuăng pơm jang, lơ̆m 2 năr 31/10 păng năr 1/11, anih jang unh hơyuh Đăk Lăk hlôi axong khul jang tenh kuăng chă hơlen, hơmet ming, pơlăp dăng tơlei unh hơyuh 'măn ăn Hnam pơgang tơdăng kơsô̆ 2. Anih jang hlôi hơmet ming trong tơlei unh hơyuh lơ̆m hnam, hơƀlih tơlei dui unh tơ̆ anih pơdjoi 400kVA păng hơmet 1 djoi tơlei hơmŏ. Truh 5 jơ kơsơ̆ năr 1/11, tơdrong jang dui tơlei unh ăn Hnam pơgang hlôi keh đang, hơmet tôm tơmam drăm kăl vă Hnam pơgang xơng bơngai jĭ truh ming hơmet.

Lan chih păng pơre nơ̆r