VOV4.Bahnar - Ƀât vă mât lơ̆m pơ yan ‘mi kial, Công ty jang unh điên Dak Lak kơ chăng tơ lĕch lơ trong tơ jră hăm tơ drong sar bar.

Công nhân hơ met pơ ‘lơ̆ng kơ măy ƀiên ap adrol kơ pơ yan ‘mi kial

Tŏ ‘mi kial sơ năm 2021 rŏ năng gô tơ plih ưh ê, yoa thoi nŏh, PC Dak Lak hlôi hơ met pơ ‘lơ̆ng khul pơ gơ̆r jang, Khul jang tang găn sar bar păng chă dŏng bơ ngai răm, pơ jao tơ drong jang tôch rơ đăh ăn rim bơ ngai.

Pơ tâp pơ hrăm chô̆ hơ met hrĕnh tơ lei unh điên kơ tĕch đơ̆ng rŏng kơ ‘mi kial

Hơ dai hăm ‘nŏh oei đei lơ Khul năm jang hrĕnh tơ̆ tơ ring vă tơ jră hăm dôm tơ drong krê hơ mơt. Dôm anih jang unh điên kŭm hơ met tôm tơ mam vă hơ met tơ tom dôm tơ drong sar bar mưh đei.

‘Nao âu tơ̆ xăh Buôn Triết, apŭng Lắk, dôm khul jang unh điên Dak Lak pơ gơ̆r pơ tâp tang găn sar bar păng chă dŏng bơ ngai răm, tơ gŭm pơm hơ tŏk tơ drong chĕp kơ̆l pơ gơ̆r păng đon kơ chăng hơ met pơ ‘lơ̆ng sar bar mưh đei.

Dơ̆ng: Tơ blơ̆