VOV4.Bahnar - Hơ drin vang tơ gŭm tang găn jĭ hơ buh păng tơ gop vang tơ gŭm dôm tơ drong mơ mat tat hăm kon pơ lei, khei ‘năr âu ki, Kŏng ti ŭnh điên Dak Nông hlôi bơ̆ jang kiơ̆ tơ jur kơ jă unh điên, tơ jur jên ŭnh điên ăn dôm bơ ngai đei ƀơm ưh kơ ‘lơ̆ng đơ̆ng jĭ Covid-19 hăm akŏp kơ sô̆ jên vă jê̆ 1,4 ti hlak jên.

PC Dak Nông asong phe ăn kon pơ lei Đăk Song

Kŏng ti kŭm hlôi tơ lĕch jang lơ hue lăng găh tơ pôl, nhen: tơ gop tơ gŭm Jên mong vắc-xin 200 triệu hlak jên; pơ jao asong tơ mam pơ gang ăn rim anih jang pơ gang, rim hơ nih răp găn vei lăng jĭ, pơm kiơ̆ khoan đak kuay ăn Hnam trưng hŏk jăl 1 Nguyễn Bá Ngọc…

Tơ dăm anih jang ŭnh điên asong tơ mam ăn hơ nih răp găn tang găn  jĭ hơ buh

Đei băt akŏp kơ sô̆ jên mă PC Dak Nông pơ gơ̆r rim tơ drong jang vei lăng tơ drong sơ đơ̆ng tơ pôl, tơ gŭm kon pơ lei lơ̆m khei ‘năr âu ki ‘noh hloh 500 triệu hlak jên. 

Thuem: Tơ blơ̆