VOV4.Bahnar – Anih jang Unh hơyuh Đak Nông 'nao pơgơ̆r 'măng akŏm tơroi hơvơn mong ƀiơ̆ unh hơyuh păng vei xơđơ̆ng lơ̆m hnam trưng hŏk, hăm hơnăn “Hŏk tro băt mong unh hơyuh, yua unh xơđơ̆ng, tơdrong jang điê̆n tưh” tơ̆ Hnam trưng Jăl kơđeh Nguyễn Bá Ngọc (plei tơm Gia Nghĩa). Tơ̆ 'măng akŏm, hŏk tro đei tơmơ̆ng găh tơdrong yua unh hơyuh, axong ăn hla bar chih tơroi găh yua mong unh.

Đe oh duh pơtruh nơ̆r apinh păng tơl găh: trong yua tơmam drăm unh hơyuh lơ̆m unh hnam mă xơđơ̆ng, mong ƀiơ̆, jơ tơm lơ̆m 'năr yua unh hơyuh 'nâu nai hia. Ƀơ̆t 'măng âu, Anih jang Unh hơyuh Đak Nông hlôi axong 30 trĭu hlj ăn Hnam trưng jăl kơđeh Nguyễn Bá Ngọc vă xir hơlŭng đak 'măn ăn tơdrong pơtho hŏk pơhrăm.

Kiơ̆ pơkăp jang, lơ̆m khei 4 păng khei 5/2021, PC Đak Nông gô jang hadoi hăm Anih Pơtho pơhrăm dêh char Đak Nông pơgơ̆r lơ tơdrong akŏm hơlen yua mong unh hơyuh păng xơđơ̆ng tơ̆ dôm hnam trưng hŏk lơ̆m tơring kơ dêh char.

Lan chih păng pơre nơ̆r