VOV4.Bahnăr - Gơmăng năr 20/8, Thủ tướng Tĕh đak Phạm Minh Chính hlôi krao điên thoăi pơma dơnŭh hăm Kơdră chĕp pơgơ̆r Kŏng ty Pfizer, ƀok Albert Bourla găh jang hơdoi vaccine.

Thủ tướng Tĕh đak Phạm Minh Chính hlôi krao điên thoăi pơma dơnŭh hăm ƀok Albert Bourla, Kơdră chĕp pơgơ̆r Kŏng ty Pfizer

Thủ tướng Phạm Minh Chính pơma hơdăh, Khul kơdră tĕh đak Việt Nam tŏk bŏk tơlĕch jang kiơ̆ kơtang Trong jang vaccine, kơrŭn đĭ jơhngơ̆m tơlĕch jang ƀet bơ̆ng lơ̆m tĕh đak vă jang keh đang lơ̆m khei năr blŭng sơnăm 2022 ƀet bơ̆ng ăn 70% kon pơlei, sơđơ̆ng ăn tơdrong erĭh sa kơ kon pơlei. Kơ yuơ lơ lŏh, Thủ tướng Phạm Minh Chính athei Pfizer lăng ba kơ jăp păng atŏk kơtang hlŏh dơ̆ng pơjao vaccine ăn Việt Nam kiơ̆ drơ̆ng mĭnh nơ̆r kĭ pơkăp dĭh băl. Kơdră chĕp pơgơ̆r Pfizer pơma pơkăp gô hơdrin đĭ jơhngơ̆m, tơchă rim trong jang vă atŏk kơtang pơjao vaccine ăn Việt Nam ƀlep lơ̆m khei 8, khei 9 păng jăl IV sơnăm 2021; drơ̆ng nơ̆r tơgŭm djru Việt Nam đei sơng iŏk tơdrong răt iŏk păng pơjao vaccine anai đơ̆ng rim tĕh đak; jang đĭ jơhngơ̆m drơ̆ng kiơ̆ Khŭl kơdră Mi tơgŭm djru Việt Nam găh vaccine. 

Tơblơ̆ nơ̆r: Amazưt