VOV4.Bahnar - Kxơ\ ‘năr brei, 3/6, tơ\ Hnam jang kơ Kuôk ho#i, Pho\ kdră Kuôk ho#i [ok Đỗ Bá Tỵ tơjra#m Khul kpal tang măt ăn linh hơlen đak dơx^, kdră kơ dôm apu\ng achon teh Trường Sa, Hoàng Sa, Lý Sơn păng dôm bngai linh xo rơgei lơ\m ja#p teh đak năm truh anih tơm Hà Nội ako\m tơdrong jang hơnăn “Teh đak hơlen lăng đơ\ng đak dơx^”.

Xơng Khul kpal vih apong anih tơm Hà Nội păng năm ako\m tơdrong jang hơnăn “Teh đak hơlen lăng đơ\ng đak dơx^”, Pho\ kdră Kuôk ho#i [ok Đỗ Bá Tỵ ră hơdăh, lơ\m tơpôl apu\ng plenh teh, lơ\m tơring păng tơring đak dơx^ găh Hle\ch đei lơ tơxu\l tơxa\l, Đảng, teh đak hơnơ\ng xkơ\t, tơdrong pơgơ\r kơdih tôm hơgăt teh, lơ\m noh đei tơring đak dơx^, achon teh graxia, ưh kơ đei bu gơh tơgar. Kon pơlei Việt Nam xkơ\t kho\m mă iung tơjră vă vei lăng tơdrong rơngei hiôk hian, pơgơ\r kơdih hơgăt teh kơ teh đak. Vă vei lăng đak dơx^, achon teh, pơm kiơ\ [lep xơnong jang lơ\m chăl ‘nao dang ei, Pho\ kdră Kuôk ho#i pơkăl khul linh vei đak dơx^ athei hơnơ\ng băt hơdăh tơpôl. tơgu\m xek tơlang tơtom hơdăh dôm tơdrong đei [ôh; iung tơjră hăm tơdrong rơngei kiơ\ kơluơ\t pơkăp đơ\ng apu\ng plenh teh. Pho\ kdră Kuôk ho#i [ok Đỗ Bá Tỵ tơre\k hăm dôm anih jang tơ\ Trung ương păng tơring pơtoi tơre\k, đei lơ tơdrong jang hơto\k tơdrong erih ăn kon pơlei păng kang [o# linh tơ\ tơring achon teh, hơto\k mu\k drăm tơring đak dơx^ achon teh, hơ ‘nhăk teh đak bơ\n jing teh đak pran găh đak dơx^, iung pơdro\ng đơ\ng đak dơx^.

Lan chih păng rapor