VOV4.Bahnar - Pơ gê 1/7, tơ̆ Anih jang đảng dêh char Hưng Yên pơ gơ̆r hop akŏm roi tơ băt tơ drong tơ chơ̆t đơ̆ng Anih tơm Chinh trĭ găh tơ drong jang kăn ƀô̆. Lơ̆m hop akŏm, ƀok Nguyễn Quang Dương - Kơ dră jang lơ̆m Trung ương Đảng, Phŏ Kơ dră Anih vei lăng mŭk drăm Trung ương roi tơ băt tơ drong tơ chơ̆t đơ̆ng Anih tơm Chinh trĭ athei ƀok Nguyễn Hữu Nghĩa - Phŏ Kơ dră Anih vei lăng mŭk drăm Trung ương vang jang lơ̆m Khul kơ dră chĕp kơ̆l đảng dêh char Hưng Yên, pơm kơ chư̆k Bí thư đảng dêh char Hưng Yên, đơ̆ng 2020-2025. Tơ drong tơ chơ̆t đei yoa đơ̆ng ‘năr 15/6/2021.

Pơ ma ƀât iŏk tơ drong jang, ƀok Nguyễn Hữu Nghĩa - Bí thư đảng dêh char Hưng Yên pơ kăp vă adrin đĭ jơ hngâm, kŭm hăm Khul kơ dră chĕp kơ̆l pơ gơ̆r Đảng dêh char yak hlŏh rim tơ drong mơ mat tat, chĕp kơ̆l pơ gơ̆r kon pơ lei lơ̆m dêh char jang kĕh dôm tơ drong đei tơ lĕch lơ̆m Hop akŏm đảng ƀô̆ dêh char ‘măng mă XIX đơ̆ng 2020-2025; pơ jing Đảng ƀô̆, anih jang chinh trĭ rơ gŏh ‘lơ̆ng, pran kơ jăp; pơ jing pơ lei pơ la Hưng Yên tŏk pơ drŏng. ‘lơ̆ng rŏ. 

Dơ̆ng: Tơ blơ̆