VOV4.Bahnar - ‘Năr 4/5, Khŭl dăr hơ len kơ Anih chĕp kơ̆l pơ gơ̆r Kuôk hô̆i yua đơ̆ng Phŏ kơ dră Kuôk hô̆i Nguyễn Đức Hải pơm kơ dră khŭl hlôi năm hơ len lăng tơ drong jang hơ met ăn pôk rơ̆ih tơ̆ dêh char Thừa Thiên Huế. Tơ̆ rim hơ nih hơ len lăng, Phŏ Kơ dră kuôk hô̆i Nguyễn Đức Hải pôk pơ ư, lăng ‘lơ̆ng tơ drong jang hơ met ăn pôk rơ̆ih đơ̆ng khŭl kơ dră tơ ring mư̆h đei ƀôh tơ plih lơ găh măt bơ ngai mă lei oei vei sơ đơ̆ng rim tơ drong jang tơ roi tơ băt, krao hơ vơn kon pơ lei pôk rơ̆ih. Bơ̆ jang hăm Anih vei lăng pôk rơ̆ih dêh char Thừa Thiên Huế, Phŏ kơ dră kuôk hô̆i Nguyễn Đức Hải athei Thừa Thiên Huế tŭn pran hơ len lăng, dăr lăng tơ drong jang hơ met ăn pôk rơ̆ih, vei sơ đơ̆ng tơ pôl păng jang pơ gang, tơ drong jang tang găn jĭ Covid-19... tơ gop ăn ‘măng pôk rơ̆ih pơ gơ̆r tơ păt, ƀlep khôi luơ̆t, tơ pă jing năr akŏm kơ đĭ đăng kon pơ lei.

Thuem: Tơ blơ̆