VOV4.Bahnar - {lep [ât tơ băt 91 sơ năm Năr hla ar tơ roi kăch mang Việt Nam, pơ gê brei (10/6), tơ\ Hà Nội, Khul chih hla ar tơ roi Việt Nam jang hơ doi hăm An^h vei lăng te\ch mơ dro păng jang kơ măy Việt Nam pơ gơ\r hop ako\m đei anăn: “Hla ar tơ roi păng an^h te\ch mơ dro lơ\m khei ‘năr mât jang hơ doi”.

Pơ ma lơ\m hop ako\m, Pho\ Kơ dră Kuo#k ho#i Phùng Quốc Hiển akhan: lơ\m chăl ‘nao, vă hơ to\k tơ drong pơ jei đơ\ng tơ pôl bơ ngai te\ch mơ dro, ‘ngoăih kơ tơ drong adrin đơ\ng kơ dih an^h te\ch mơ dro ‘no\h oei đei lơ tơ drong kăl đơ\ng an^h chih hla ar tơ roi hai. Yoa thoi no\h, athei pơm hơ to\k tơ drong pơ vei mă kơ jăp hlo\h dơ\ng đơ\ng an^h te\ch mơ dro hăm hla ar tơ roi, tơ gop ‘lơ\ng ăn tơ drong jang ato\k tơ iung mu\k drăm kơ te\h đak.

Dơ\ng: Tơ blơ\