VOV4.Bahnar - Pơ gê brei, 24/9, Hop ako\m găh Dro\ kăn Á – Âu ‘măng mă mônh hlôi pơ gơ\r tơ\ pơ lei tơm Saint Peterburg, Nga. Khu\l tang măt Việt Nam yua đơ\ng Pho\ kơ dră Kuôk ho#i Tòng Thị Phóng che\p kơ\l năm Hop ako\m. Pơ ma tơ\ jơ pơ gơ\r blu\ng a, yă Tòng Thị Phóng, Pho\ kơ dră Kuôk ho#i te\h đak Việt Nam hôn bơ nê tơ drong pơ che\h đơ\ng Nghị viện Liên bang Nga pơ gơ\r hop ako\m âu păng drơ\ng lăp hăm rim tơ drong tơm pơ ma dơ nu\h lơ\m tơ drong jang kăl đơ\ng hop ako\m ku\m nhen [ai pơ ma đơ\ng yă kơ dră. Lơ\m [ai pơ ma, yă Tòng Thị Phóng pơ ma: “ Lơ\m lơ sơ năm âu ki, Việt Nam ư\h kơ pơ dơ\h jang pơ ke\h trong jang khôi luơ\t găh hơ to\ hơ nơ\ng dro\ nglo păng dro\ kăn. Việt Nam hlôi păng to\k bo\k vang tơ gop ‘lơ\ng tơ\ rim trong jang đơ\ng Liên Hợp Quốc ku\m nhen rim ‘măng hop ako\m apu\ng ple\nh te\h găh dro\ kăn; vang jang ‘lơ\ng păng rim trong jang hơ dai tơ ring găh pơ tru\t păng vei lăng tơ drong gơ\h jang đơ\ng dro\ kăn păng hơ io\h, khu\l dro\ kăn jang găh mơ dro sa…gơ nang đơ\ng no\h, nhôn hlôi io\k đei lơ jơ nei g^t kăl”.

Thuem tơ blơ\