VOV4.Bahnar - Pơ gê brei (24/4), Pho\ kơ dră te\h đak Đặng Thị Ngọc Thịnh năm tơ mang, pơ lung an^h jang pơ gang păng pôk pơ ư an^h jang hơ gei hlo\h lơ\m tơ drong jang tang găn j^ COVID-19. Pho\ kơ dră te\h đak Đặng Thị Ngọc Thịnh tơ băt, tru\h dang ei, Việt Nam hlôi vei lăng tơ drong j^ hơ bu\h, tang găn tơ po\h lơ\m tơ pôl, jang kiơ\ tơ drong jang hơ dai, vei sơ đơ\ng hơ kâu jăn ăn kon pơ lei hai, vei kơ jăp pơm tơ le\ch te\ch mơ dro, vei sơ đơ\ng tơ drong ar^h sa tơ pôl hai.

Pho\ kơ dră te\h đak lui nge\h, an^h jang pơ gang hơ nơ\ng hơ drin hơ met ăn dôm bơ ngai j^ uơ oei dơ\ng, răp hơ len dôm bơ ngai to\k bo\k păng gô răp hơ len ăn oei hơ dro# vă je# tru\h mưh Việt Nam sơng Việt kiều, ho\k tro ho\k tơ\ te\h đak đe bro\k tơ\ te\h đak, rim bơ ngai joăt jang rim te\h đak năm bơ\ jang. Pho\ kơ dră te\h đak ‘me\h vă an^h jang pơ gang yak hlo\h mơ mat tat, hơ nơ\ng vang tơ gu\m, 1 jơ hngơ\m đon lơ\m tơ drong jang tang găn j^ COVID-19, hơ nhăk Việt Nam păng apu\ng ple\nh te\h năm tru\h jơ nei tang găn j^ hơ bu\h.

Thuem: Tơ blơ\