VOV4.Bahnar - Pơ gê ‘năr 30/3, tơ̆ Anih jang kơ dră teh đak, tang măt Tổng Bí thư, Kơ dră teh đak Nguyễn Phú Trọng, Phŏ kơ dră teh đak Đặng Thị Ngọc Thịnh hlôi pơ jao tơ drong tơ chơ̆t đơ̆ng Kơ dră teh đak pơ jao tơ drong tơ chơ̆t pôk tơ mơ̆t ƀok Lê Khánh Hải, Bơ ngai jang lơ̆m Anih chĕp kơ̆l pơ gơ̆r Trung ương Đảng, Phŏ kơ dră vei lăng Anih bơ̆ jang Kơ dră teh đak pơm Kơ dră vei lăng Anih bơ̆ jang Kơ dră teh đak. Tang măt kơ dră chĕp kơ̆l Đảng, teh đak pơ jao tơ drong tơ chơ̆t ăn kơ ƀok Lê Khánh Hải, Phŏ Kơ dră teh đak Đặng Thị Ngọc Thịnh hơ len lăng hơ dăh, jĭ kang ƀô̆ đei kĕ jang chĕp kơ̆l, vei lăng; đei klăih song lơ tơ drong jang gĭt kăl đơ̆ng Anih tơm vei lăng găh jŏh ayŏ, tơ plŏng kơ dâu păng tơ mang lăng. Ƀok Lê Khánh Hải kŭm hăm đĭ đăng anih jang tơ lĕch jang lơ tơ drong jang tơm, kăl, bơ̆ jang kiơ̆ jơ nei tơ drong jang pơ jing tơ drong jang jŏh ayŏ, tơ plŏng kơ dâu păng tơ mang lăng. Iung pơ ma iŏk tơ drong jang, kơ dră vei lăng Anih bơ̆ jang Kơ dră teh đak Lê Khánh Hải khŏm hơ tŏk ‘lơ̆ng jơ hngơ̆m đon jang tơ năp, hơ nơ̆ng hơ drin jang đang ‘lơ̆ng rim tơ drong athei, hơ năp jang đei pơ jao.

Thuem: Tơ blơ̆