VOV4.Bahnar - Drâm kơ sơ̆ 30/9, tơ̆ Anih jang kơ Khul kơ dră tĕh đak, Phŏ Kơ dră tĕh đak Võ Thị Ánh Xuân pơ ma điên thoăi hăm Phŏ Kơ dră tơm tĕh đak Nigeria Yemi Osinbajo vă hơ tŏk tơ drong jang hơ doi 2 pang Việt Nam - Nigeria.

Phŏ Kơ dră tĕh đak Võ Thị Ánh Xuân pơ ma điên thoăi hăm Phŏ Kơ dră tơm tĕh đak Nigieria

Tơ̆ jơ pơ ma nuh, kơ dră chĕp kơ̆l 2 tĕh đak pơ ma hơ dăh năng kăl păng hơ pơi ‘mĕh pơm hơ tŏk tơ drong đei yoa đơ̆ng jang hơ doi 2 pang tơ̆ hơ năp kơnh; pơ ma nuh găh dôm trong jang tôch rơ đăh vă pơ gơ̆r pơ ma nuh ăn khul jang tih, dôm anih jang kơ pal. Ƀar păh oei drơ̆ng nơ̆r hơ nơ̆ng jang hơ doi kơ jăp păng tơ gŭm băl lơ̆m dôm hop akŏm lơ pang, mă loi ‘nŏh tơ̆ Liên hợp quốc, Jơ nŭm châu Phi…

Găh tơ drong jĭ Covid-19, 2 păh pơ ma hơ dăh tơ gŭm ăn dôm tơ drong adrin iŏk yoa vắc-xin tang găn jĭ Covid-19 đơ̆ng dôm tĕh đak oei vă tŏk pơ drŏng, pơ truh kơ măy kơ mŏk pơm vắc-xin.

Dơ̆ng: Tơ blơ̆